«Милан» ярим ҳимоячиси Франк Кессиэ мавсум якунида «Барселона»га ўтадиган кўринади.
25 ёшли ивуарлик футболчи Швейцариянинг Лугано шаҳрида каталон клуби учун тиббий кўрикдан ўтган.
Шунингдек, Кессиэ «Барселона» билан йилига 7 миллион евро маошга эга 4 йиллик шартнома борасида келишиб олган, дея хабар қилмоқда Жанлука ди Марсио.
Франкнинг «Милан» билан амалдаги шартномаси 30 июнда ўз якунига етади. Шундан кейин у эркин агент мақомида «Барса» сафида қўшилади.
Кессиэ жорий мавсум А Серияда 23 та ўйин ўтказиб, бешта гол уришга эришди.
Изоҳ (0)