Тошкентнинг Чилонзор туманида MAN автобуси 70 ёшли киши ва 5 ёшли болани уриб юборганди. «Тошшаҳартранс» ҳолат юзасидан расмий маълумот берди.
Воқеа 8 март куни, соат 11:30 ларда юз берганди. Автобус уриб юборган 5 ёшли бола шифохонага ётқизилган, 70 ёшли киши эса олган тан жароҳатлари сабабли вафот этганди.
«Тошшаҳартранс» хабарига кўра, воқеа «7-Автобус саройи» филиали тасарруфидаги сарой рақами 296 бўлган, MAN русумли, 94-автобус йўналишли автобус иштирокида юз берган. Ҳайдовчи С.М. автобусни Чилонзор кўчаси бўйлаб бошқариб кетаётганида йўлда тўхтаб қолган енгил автомобиль билан тўқнашиб кетмаслик мақсадида автобусни кескин ўнгга бурган. Оқибатда йўл четида турган 2 нафар пиёдани уриб юборган.
Ҳозирда мазкур йўл-транспорт ҳодисаси Тошкент шаҳар Йўл ҳаракати хавфсизлиги бошқармаси томонидан белгиланган тартибда расмийлаштирилган ҳамда «Тошшаҳартрансхизмат»нинг Йўловчи транспортида ҳаракат хавфсизлигини назорат этиш бўлими томонидан хизмат суриштируви ўтказилмоқда.
Изоҳ (0)