«Ўзгидромет» 11—15 март кунлари кутилаётган кучли ёмғирлар ёғиши сабабли республиканинг тоғолди ва тоғли ҳудудларида сел хавфидан огоҳлантирди.

Қайд этилишича, қуйидаги ҳудудларда сел келиши хавфи мавжуд:

• Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор, Косон, туманларида;
• Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқорғон туманларида;
• Самарқанд вилояти: Ургут, Самарканд, Булунғур, Нуробод, Қўшработ, Каттагўрғон туманларида;
• Навоий вилояти: Хатирчи, Навбаҳор, Нурота, Конимех, Кармана туманларида;
• Жиззах вилояти: Зомин, Бахмал, Ғаллорол, Шароф Рашидов, Фориш, Янгиобод, Зафарабод туманларида;
• Тошкент вилояти: Оҳангарон, Бўстонлиқ, Паркент, Юқори-Чирчиқ, Пискент туманларида;
• Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
• Фарғона вилояти: Сўх, Фарғона, Бешариқ туманларида;
• Андижон вилояти: Андижон, Жалолқудуқ, Қўрғонтепа, Пахтаобод, Улуғнор туманларида.

«Тоғолди ва тоғли ҳудудларда истиқомат қилувчи фуқаролардан, дам олувчилардан ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришларини сўраймиз», — дейилади хабарда.

Маълумот учун, республиканинг тоғолди ва тоғли ҳудудларида сел хавфи март ойи бошидан буён сақланиб қолмоқда. «Ўзгидромет» беқарор об-ҳаво иш ҳафтасининг охиригача сақланиб туришини прогноз қилган.