Футбол бўйича Англия Премьер Лигасининг 28-турида «Манчестер Сити» 6 март, якшанба куни «Манчестер Юнайтед»ни қабул қилди.
Учрашувда тезкор гол кузатилди: «шаҳарликлар» 5-дақиқада Кевин де Брюйненинг киритган тўпидан сўнг ҳисобни очди. 22-дақиқада Жейдон Санчо мувозанатни тиклаган бўлса, орадан кўп ўтмай бельгиялик футболчи дублни расмийлаштирган ҳолда яна мезбонларни олдинга олиб чиқди.
68-дақиқада Риёд Маҳрез орадаги фарқни оширди. Учрашув якунланиши арафасида жазоирлик футболчи ҳам дубль муаллифига айланди ва ҳисобни йирик кўринишга олиб келди.
Ушбу ғалабадан кейин «Манчестер Сити» очколарини 69 тага етказиб олган ҳолда пешқадамликда давом этмоқда. «Манчестер Юнайтед» эса 47 очко билан 5-поғонада қолди.
АПЛ
28-тур баҳси
6 март, якшанба
«Манчестер Сити» — «Манчестер Юнайтед» 4:1
Голлар: 1:0 – 5 де Брюйне, 1:1 – 22 Санчо, 2:1 – 28 де Брюйне, 3:1 – 68 Марез, 4:1 – 90+1 Маҳрез.«Манчестер Сити»: Эдерсон, Уокер, Стоунз, Ляпорт, Жоау Канселу, де Брюйне (Гундўған, 80), Бернарду Сильва, Родри, Грилиш, Фоден, Маҳрез.
«Манчестер Юнайтед»: Де Хеа, Уан-Биссака, Магуайр, Линделеф, Теллес, Погба (Рэшфорд, 64), Фред, Мактоминей, Бруну Фернандеш, Санчо, Эланга (Лингард, 64).
Огоҳлантириш: Магуайр (63).
Изоҳ (0)