Англия Премьер Лигасида февраль ойининг энг яхшиси номига даъвогарлар рўйхати эълон қилинди.
Февраль ойининг энг яхши мураббийи бўлиш учун Микель Артета («Арсенал», 3 ғалаба), Ралф Ҳазенҳюттл («Саутҳэмптон», 3 ғалаба ва битта дуранг), Эдди Ҳау («Ньюкасл», 3 ғалаба ва битта дуранг), Юрген Клопп («Ливерпуль», 4 ғалаба) каби мураббийлар кураш олиб боради.
Эслатиб ўтамиз, декабрь ойининг энг яхши мураббийи «шаҳарликлар» устози Пеп Гвардиола бўлган эди. Январь ойида эса «Вулверҳэмптон» устози Бруну Лаже ушбу эътирофга лойиқ кўрилганди.
Шунингдек, лига ўтган ойнинг энг яхши футболчиси номига даъвогарлар рўйхатини ҳам эълон қилди.
- Чи Адамс («Саутҳэмптон») — 3 та гол ва битта голли узатма;
- Райан Фрэйзер («Ньюкасл») — битта гол ва битта голли узатма;
- Ҳарри Кейн («Тоттенҳэм») — 3 та гол ва битта голли узатма;
- Жоэл Матип («Ливерпуль») — битта голли узатма ва битта гол;
- Бен Ми («Бёрнли») — битта гол;
- Уилфред Заҳа («Кристал Пэлас») — 3 та гол.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)