Футбол бўйича Ўзбекистон аёллар терма жамоаси ФИФА рейтинги етакчиси АҚШ терма жамоасига қарши ўртоқлик ўйинлари ўтказади, дея хабар қилмоқда ЎФА матбуот хизмати.
Учрашувлар апрель ойида АҚШда ўтказилади. Дастлабки баҳс 9 апрель куни Колумбус (Огайо штати) шаҳрида бўлиб ўтса, иккинчи учрашувга 12 апрель куни Филаделфия (Пенсильвания) мезбонлик қилади.
Қайд этиш керак, АҚШ аёллар терма жамоаси тўрт карра жаҳон чемпиони ва тўрт карра Олимпиада ғолиби ҳисобланади. Айни вақтда АҚШ ФИФА аёллар футболи рейтингида биринчи ўринда бормоқда. Ўзбекистон аёллар терма жамоаси эса рейтингда 45-ўринда қайд этилган.
Эслатиб ўтамиз, январь ойида Ўзбекистон аёллар терма жамоасига япониялик мутахассис Мидори Ҳондa бош мураббий этиб тайинланганди.
Изоҳ (0)