Angliya Premyer Ligasida fevral oyining eng yaxshilari nomiga da’vogarlar e’lon qilindi

Angliya Premyer Ligasida fevral oyining eng yaxshisi nomiga da’vogarlar ro‘yxati e’lon qilindi.

Fevral oyining eng yaxshi murabbiyi bo‘lish uchun Mikel Arteta (“Arsenal”, 3 g‘alaba), Ralf Hazenhyuttl (“Sauthempton”, 3 g‘alaba va bitta durang), Eddi Hau (“Nyukasl”, 3 g‘alaba va bitta durang), Yurgen Klopp (“Liverpul”, 4 g‘alaba) kabi murabbiylar kurash olib boradi.

Eslatib o‘tamiz, dekabr oyining eng yaxshi murabbiyi “shaharliklar” ustozi Pep Gvardiola bo‘lgan edi. Yanvar oyida esa “Vulverhempton” ustozi Brunu Laje ushbu e’tirofga loyiq ko‘rilgandi.

Shuningdek, liga o‘tgan oyning eng yaxshi futbolchisi nomiga da’vogarlar ro‘yxatini ham e’lon qildi.

• Chi Adams (“Sauthempton”) — 3 ta gol va bitta golli uzatma;
• Rayan Freyzer (“Nyukasl”) — bitta gol va bitta golli uzatma;
• Harri Keyn (“Tottenhem”) — 3 ta gol va bitta golli uzatma;
• Joel Matip (“Liverpul”) — bitta golli uzatma va bitta gol;
• Ben Mi (“Byornli”) — bitta gol;
• Uilfred Zaha (“Kristal Pelas”) — 3 ta gol.