Украина президенти Владимир Зеленский 1 март куни эрталаб Харьков шаҳрининг Озодлик майдонига берилган ракета зарбасини «очиқдан очиқ террор» деб атади.
«Майдонда ҳам, Харьковдаги ракета артиллерияси ҳужумига учраётган аҳоли пунктларида ҳам ҳеч қандай ҳарбий белгилар йўқ эди. Марказий майдондаги ракета — бу очиқ ва намойишкорона террор. Бу ишдан кейин Россия — террорчи давлат», — деди у.
Ижтимоий тармоқларда Харьковдаги Озодлик майдонига йўлланган ракета ҳужумининг видеолари тарқалди.
24 февраль куни Россия президенти Владимир Путин Донбасс аҳолисини ҳимоя қилиш, Украинани «демилитаризация» ва «деназификация қилиш» учун «махсус ҳарбий операция» бошланганини эълон қилди. Кремль гап «ҳарбий салоҳиятни зарарсизлантириш» ва «Украинани нацистлардан тозалаш» ҳақида кетаётганини тушунтирди. Путиннинг баёнотидан кейин Украина шаҳарлари бир неча бор ўққа тутилди. Россия Мудофаа вазирлиги бунга алоқадорлигини рад этмоқда.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)