Бугун,

  • USD 11095.31
  • RUB 173.84
  • EUR 10772.44

Бухорода 10 йилдан бери алимент тўлашдан бўйин товлаб келган ота 15 суткага қамалди. Бу ҳақда «Дарё»га МИБ вилоят бошқармаси ахборот хизмати раҳбари Илҳом Турсунов хабар берди.

Маълум бўлишича, фуқаролик ишлари бўйича Когон туманлараро судининг 2010 йил 1 июндаги буйруғига асосан вилоятнинг Когон туманида яшаган Л.К. турмуш ўртоғи Н.Ш.га бир нафар вояга етмаган фарзанди учун алимент тўлаши лозимлиги белгиланган. Аммо қарздор ота алимент тўлашдан бўйин товлаб келган.

«Қарздор ота бу борада икки маротаба судланган бўлишига қарамай, тегишли хулоса чиқармаган. 10 йилдан ортиқ муддат давомида алимент тўламагани боис унинг қарздорлиги 108 миллион 900 минг сўмга етган. Хотини Н.Ш. эса бу ҳақда шикоят қилган. Бюро органларининг қидирув бўлими вакиллари томонидан фуқаро Л.К. қидирувга берилиб, Тошкент шаҳридан топилган.

Фуқаро топилгач, йиллар давомида ҳеч қандай фойдали меҳнат билан шуғулланмагани, ҳеч қандай мол-мулкка эга эмаслиги, алимент тўловини амалга оширишга лаёқати ҳам йўқлиги, ачинарлиси, ота пойтахтнинг турли кўча ва гузарларидаги бекат ва ахлатхоналарда яшаб юргани аниқланди», — дейди МИБ вилоят бошқармаси ахборот хизмати раҳбари.

Жиноят ишлари бўйича Когон шаҳар судининг навбатдаги очиқ суд мажлисида алимент тўлашдан бўйин товлаб келган ота видеоконференцалоқа режимида жиноят ишлари бўйича Тошкент шаҳар Учтепа туман суди биносидан қатнашган. Суд қарздор отага Маъмурий жавобгарлик тўғрисидаги кодексининг тегишли моддаси билан 15 сутка маъмурий қамоқ жазоси тайинлаган. Қарздор ота маъмурий қамоқ жазосини ўтиш учун Тошкент шаҳридаги махсус қабул қилиш муассасасига жойлаштирилган.

Изоҳ
Асосий янгиликлар
Дунё
Туркиядаги зилзила ортидан яна 6 та давлатда ер қимирлаши юз берди (видео)
Маҳаллий
Шавкат Мирзиёев ва Ражаб Тоййиб Эрдўғон телефон орқали мулоқот қилди
Маҳаллий
Ўзбекистонда доллар курси яна ошди