Шавкат Мирзиёев 1 март куни бўлиб ўтган йиғилишда аёлларни касбга ўқитиш, тадбиркорликка жалб қилиш масалалари юзасидан маълумот берди. Бу ҳақда президент матбуот хизмати хабар қилди.
Қайд этилишича, бугунги кунда 400 дан ортиқ нодавлат нотижорат ташкилоти аёлларни касбга ўқитиш, уларни тадбиркорликка жалб қилиш, ижтимоий ёрдам кўрсатиш бўйича яхши тажриба яратган. Шу боис қишлоқ жойларида бундай лойиҳаларни амалга ошириш учун нодавлат ташкилотларга 2 миллиард сўмгача грантлар ажратилади.
Ўзи ёки қарамоғида ногиронлиги бор яқини бўлган хотин-қизларга ижтимоий хизматлар кўрсатиш, уларни касбга ўқитиш борасида нодавлат нотижорат ташкилотларига берилаётган грантлар миқдори 5 бараварга оширилиб, 200 миллион сўмгача етказилади. Бу маблағ амалда 40 миллион сўмни ташкил этади.
«Аёллар бандлигини таъминлаш, уларни тадбиркорликка жалб қилиш учун, қўшимча шарт-шароитлар яратамиз», — дейди президент.
Бунинг учун тадбиркор аёллар улушини ҳозирги 25 фоиздан 40 фоизга етказиш бўйича 2022—2024 йиллар учун «Бизнес аёллар» дастури қабул қилинади. Дастур ижросига жами 8 триллион сўм маблағ йўналтирилади.
Изоҳ (0)