Жиззах вилояти ҳокими Эргаш Солиев Шавкат Мирзиёевга Қорақалпоғистоннинг Тахтакўпир туманида жамоаси билан бирга нималар қилгани ҳақида ҳисобот берди. Бу «Менимча» кўрсатувида намойиш этилди.
«Ҳурматли президент, сизнинг топшириғингиздан кейин тумандаги 17 та маҳаллага барча ҳокимларни олиб келдим. Тўрт кун давомида шу ерда юрдик. Биз ўзимиз тўлиқ таҳлил қилиб, биринчидан, ҳоким ёрдамчиларини обрўсини кўтариш учун ҳозирнинг ўзида мингдан ортиқ хонадонга 7,6 миллиард сўм ҳомийлик қилдик», — деди Эргаш Солиев.
Давлат раҳбари ҳокимга «пулни ўзинг ўтказиб бердингми?», дея савол берди. Ҳоким бунга «ҳа, ўзимиз ўтказдик», деб жавоб берди ва шундай деди:
«Қаергадир товуқ, қаергадир сигир бердик, яна 169 уйни қайта таъмирлаб бердик. Ҳозирча вилоят бюджетимиздан жамғарма туздик. Бу жамғарма Тахтакўпир туманини иқтисодий-ижтимоий ривожлантириш учун. Бу жамғармага маҳаллий бюджетдан 30 миллиард сўм ажратамиз. Нималар қилишим бўйича йўл харитаси бор».
Аввалроқ Шавкат Мирзиёев Беруний туманига қўшимча тарзда 50 миллиард сўм ажратилишини маълум қилган эди. Шунингдек, Тошкент вилояти ҳокимлиги Мўйноқ туманида тиббиётни ривожлантириш учун 32 миллиард сўм ажратиши ҳақида хабар берилганди.
Мавзуга доир:
- «Президент билан бир кун»: Шавкат Мирзиёевнинг Қорақалпоғистондаги дастлабки куни қандай ўтди?
- Ҳудудларга бириктирилган вилоят ҳокимлари, кичик туманларга бериладиган катта маблағлар, қиймати 108 миллион доллар бўлган шамол электр станцияси — президентнинг Қорақалпоғистонга ташрифидан кейинги хулосалар
Изоҳ (0)