Пауло Дибаланинг қайси клубга ўтмоқчи эканлиги маълум бўлди

«Ювентус» ҳужумчиси Пауло Дибала «Барселона»га ўтиши мумкин. Бу ҳақда Diario Sport нашри хабар бермоқда.

Манбага кўра, аргентиналик футболчининг ўзи каталон клубига ўтишга қизиқиб қолган. «Барселона» раҳбарияти футболчининг вакиллари билан мулоқотга киришишга ҳам улгурган. Турин клуби янги шартнома бўйича Дибалага камроқ маош таклиф қилганидан сўнг футболчи Испанияга кўчиб ўтиш вариантини жиддий кўриб чиқа бошлаган.

Шунингдек, «Ювентус» билан келиша олмаётган 28 футболчига «Интер» ва «Тоттенҳэм»дан ҳам қизиқиш мавжуд. Аввалроқ, «Ливерпуль» ва «Манчестер Сити»нинг Паулони текинга қўлга киритмоқчи эканлиги тўғрисида хабарлар янграганди.

Маълумот учун, Дибала 2015 йилнинг ёзида «Палермо»дан 41 миллион евро эвазига туринликлар сафига ўтган. Унинг клуб билан амалдаги шартномаси ёзда ўз ниҳоясига етади.

2021/22-йиги мавсумда ҳужумчи Италия А Сериясининг 20 та ўйинида 7 та гол урди ва 5 та голга ассистентлик қилди. Бундан ташқари, Чемпионлар Лигасида ҳам ўз номига 3 та гол ва битта голли узатма ёздириб қўйган.

Transfermarkt портали аргентиналик ҳужумчининг трансфер нархини 50 миллион еврога баҳолаган.