Шубҳали холлар, қизариб кетган кўзлар ва ҳаддан ташқари кўп терлаш — буларнинг барчаси имкон қадар тезроқ шифокор билан учрашиш учун сабабдир.
Дерматолог жиддий касалликларнинг бошланишини аниқлайди, уларнинг кўпчилиги нафақат терига, балки муҳимроқ органларга ҳам таъсир қилади. Лекин фақат бир шарт билан: вақтида унга мурожаат қилинсагина. Шундай қилиб, қуйидаги аломатлар мавжуд бўлса, иложи борича тезроқ дерматолог кўригига ёзилиш керак.
Шубҳали холлар
Ranги бошқача, гўё терининг юзасидан бўртиб чиққан холлар ҳақиқий «қизил байроқ» бўлиб, улар организмни хавфдан огоҳлантиради. Бу каби холларнинг шаклланишини сезган одам меланомани истисно қилиш учун имкон қадар тезроқ шифокорга мурожаат қилиши лозим.
Қизарган, қичишадиган кўз қовоқлари
Кўз қовоқлари атрофида қизариш ва қичишиш – бу конъюнктивитнинг биринчи белгиси, энг кенг тарқалган кўз инфекцияси. Ушбу аломат кузатилганда, дерматолог билан боғланиш керакми? Ҳақиқат шундаки, бактериялар кўз қовоқларининг нозик терисига таъсир қилади ва дерматолог эса вақтида муолажани бошлаши мумкин.
Даволаш учун жуда узоқ вақт талаб қилинадиган яралар
Агар яра бир ой ёки ундан кўпроқ вақт давомида тузалмаса, албатта, дерматологга мурожаат қилиш керак. Биринчидан, ҳеч қандай чора кўрилмаса, тўқималар ўлиши бошланиши мумкин, иккинчидан, бундай узоқ давом этадиган яралар баъзан тери саратони белгиси ҳисобланади.
Теридаги ҳар қандай ўзгаришлар
Узоқ вақт давомида кузатилаётган теридаги ҳар қандай ўзгаришлар дерматологга кўрсатилиши керак: ҳуснбузар, доғлар, қорайиш, бошқа ҳолатлар – буларнинг барчаси жиддий касалликнинг белгиси бўлиши мумкин.
Оғиздаги яралар
Оғизда узоқ вақт давомида кетмайдиган ёки қайта-қайта пайдо бўладиган яралар ҳам имкон қадар тезроқ шифокорга мурожаат қилиш учун сабабдир. Бу овқат ҳазм қилиш тракти касалликлари, оғиз бўшлиғи касалликлари ёки ҳатто саратон касаллигининг белгиси бўлиши мумкин. Қандай бўлмасин, улар шифокорга кўрсатишга арзийди.
Тери қуриши
Агар кўрилган барча чораларга қарамай, тери қуруқ ва хира бўлиб қолса, дерматологга мурожаат қилиш керак: бу экзема ёки псориаз касаллиги ривожланишининг биринчи аломати бўлиши мумкин. Бундан ташқари, ҳаддан ташқари қуриган тери ички органларнинг ишлашида бузилишларни кўрсатиши мумкин.
Терлаш
Гормонал номутаносиблик, қалқонсимон без касалликлари ёки ҳатто диабет касаллиги ҳам ортиқча терлашга олиб келиши мумкин. Агар одатдагидан кўпроқ терлаш кузатилса, кучлироқ антиперспирант сотиб олишга шошилмаслик керак, балки аввал шифокор билан маслаҳатлашган маъқул.
Тирноқларнинг ўзгариши
Тирноқлар мўртлиги, қичиши, ранги ўзгариши ёки синиши — буларнинг барчаси дерматолог билан учрашиш учун яна бир сабабдир. Тирноқлар ҳолатидаги бундай ўзгаришлар витамин етишмаслиги, жигар ва буйраклардаги бузилишлар ёки псориазнинг ривожланиши туфайли юзага келиши мумкин.
Соч тўкилиши
Одатда инсон кунига 80 тагача соч толасини йўқотади, аммо агар уларнинг сони сезиларли даражада кўпайса, янги шампунь сотиб олишдан аввал дарҳол шифокор билан учрашиш маъқул.
Изоҳ (0)