Наманган вилоятининг Чуст туманида ЙПХ ходимининг хизмат автомобилида ёнғин чиққани тасвирланган видео тарқалди. Мазкур воқеани тасвирга олган «Дарё» ўқувчисининг маълум қилишича, ёнғин бугун, 11 февраль куни соат 10:00 ларда содир бўлган.
Видеодан англашилишича, воқеа жойига етиб борган ўт ўчирувчилар ёнғинни ўчиришга уринмоқда. ИИБ формасидаги ходим эса атрофдагилардан ҳолатни тасвирга олмасликни талаб қилмоқда.
Мазкур ҳолат бўйича «Дарё» мухбири вилоят ИИБ Йўл ҳаракати хавфсизлиги бошқармаси ахборот хизмати раҳбари Эркин Сатторов билан боғланганда, масъул воқеа ўрганилаётганини, тез орада батафсил маълумот берилишини маълум қилди.
Изоҳ (0)