Namangan viloyatining Chust tumanida YPX xodimining xizmat avtomobilida yong‘in chiqqani tasvirlangan video tarqaldi. Mazkur voqeani tasvirga olgan “Daryo” o‘quvchisining ma’lum qilishicha, yong‘in bugun, 11-fevral kuni soat 10:00 larda sodir bo‘lgan.
Videodan anglashilishicha, voqea joyiga yetib borgan o‘t o‘chiruvchilar yong‘inni o‘chirishga urinmoqda. IIB formasidagi xodim esa atrofdagilardan holatni tasvirga olmaslikni talab qilmoqda.
Mazkur holat bo‘yicha “Daryo” muxbiri viloyat IIB Yo‘l harakati xavfsizligi boshqarmasi axborot xizmati rahbari Erkin Sattorov bilan bog‘langanda, mas’ul voqea o‘rganilayotganini, tez orada batafsil ma’lumot berilishini ma’lum qildi.
Mavzuga doir:
Izoh (0)