Жорий йилда «Саноат энергетика гуруҳи» (СЭГ) МЧЖ ХК томонидан 5 та янги тузилманинг қидирув бурғиланиши, 8 та кон разведкасини якунига етказиш, 30 та қудуқ, жумладан, 18 та нефть ва 14 та газ қудуқларини қидирув разведкали бурғилаш режалаштирилган.
Бунда жорий йил якунлари бўйича углеводород захираларининг ортиши 5 миллиард куб метр табиий газ ва 1,27 миллион тонна конденсатли нефть миқдорида баҳоланмоқда.
Жорий йилга мўлжалланган прогноз кўрсаткичини ишлаб чиқишда СЭГ мутахассислари компания томонидан амалга оширилган комплекс геология-қидирув ишларининг (ГҚИ) боришининг батафсил таҳлили, жумладан, уларнинг ўтган йилдаги натижаларига асосланган. 2021 йилда қидирув разведкали бурғилаш ишларининг умумий ҳажми 31 минг 431 метрни ташкил қилган.
Конларнинг профессионал ва комплекс баҳоланиши хатарлардан максимал даражадаги ҳимояни тақдим этиш имконини бериб, тегишли равишда бизнеснинг самарали ривожига хизмат қилади.
Коннинг энг замонавий методологиялар ва энг яхши халқаро тажрибага асосланиб баҳоланиши лойиҳани ривожлантиришнинг энг яхши варианти учун мақбул ечимни танлаш учун асос бўлиб хизмат қилади. Шу муносабат билан «Саноат энергетика гуруҳи» томонидан ГҚИ сингари муҳим йўналиш салоҳияти ошириб борилмоқда ва буни эришилган натижалар ҳам тасдиқламоқда.
Шу тариқа, 2021 йил якунлари бўйича СЭГ лойиҳаларини амалга ошириш давомида 4 та янги тузилма — «Ботирбой», «Ғарбий Куаниш», «Эргази» ва «Олтиариқсой»да қидирув бурғилаш ишларига киришилди. Битта янги «Эргази» кони очилди. Бу ерда аниқланган конларда углеводород захираларини таҳлил қилиш учун қидирув разведка ишлари давом эттирилади.
Ўтган йили «Марказий Аввал», «Зекри» ва «Тергачи» конларида амалга оширилган бурғилаш ишлари нафақат қатламларнинг нефть ва газга бойлиги истиқболларини баҳолаш, балки конлар контурларини ҳам сезиларли равишда ошириш имконини берди.
Ўз навбатида, «Шимолий Култак», «Ғарбий Орол», «Қораиз» конлари бўйича разведкали бурғилаш ишлари олиб борилиши нефть ва газга бойлик контурларни кенгайтириш ва захираларни «истиқболлилар» (С2) тоифасидан «разведка қилинганлар» (С1) тоифасига ўтказилишига хизмат қилди.
2021 йилда амалга оширилган геология-қидирув ва баҳолаш-эксплуатация бурғилаш ишлари натижалари бўйича «Шимолий Майманак», «Марказий Аввал» ва «Чегара» конлар гуруҳи бўйича нефть ва газ захираларини тезкор равишда ҳисоблаш (қайта ҳисоблаш) амалга оширилади.
Ишлаб чиқариш газ дастурини амалга ошириш доирасида бошқа режадаги ишлар ҳам бажарилди. Натижада 2021 йил якунлари бўйича СЭГ лойиҳаларини амалга ошириш давомида 4 та янги тузилмада қидирув-бурғилаш ишларига киришилди, 13 та қудуқни бурғилаш бошланди, 8 та қудуқни бурғилаш ишлари якунланди, 4 та қудуқ синовдан ўтказилмоқда, 4 та қудуқ қурилиши якунланди.
«Саноат энергетика гуруҳи» МЧЖ ХКнинг 10 та янги тузилмасида қидирув бурғилаш ва 9 та разведка қилинаётган нефть ва газ конларини разведкали (разведкадан олдинги) бурғилаш бўйича геологик лойиҳалар тайёрланди ва қабул қилинди.
«Бизнинг геология-қидирув ишларимиз СЭГ хом ашё базаси ривожланишининг асоси ҳисобланади. Шахсий таҳлил, жалб қилинган экспертлар фикри 2021 йил якунлари бўйича янги конларни ўзлаштириш, шунингдек, углеводород захираларини С1 (разведка қилинганлар) саноат тоифасига ўтказиш ҳисобига захиралар ўсиши қарийб 1,4 миллиард куб метр газни ва 0,7 миллион тонна нефтни ташкил этганини кўрсатди. 2022 йилда бу натижаларни мустаҳкамлаш ва бир неча бор ошириш учун барча асослар мавжуд», — деди «Саноат энергетика гуруҳи» бош директори Шокир Файзуллаев.
Янги конни ўзлаштириш вариантини танлашда компания мутахассислари томонидан энг яхши халқаро тажрибага асосланган ҳолда объект бўйича мавжуд барча ахборотлар ҳисоби ва таҳлили юритилмоқда, шунингдек, қатор хатар ва чекловлар эътиборга олинмоқда.
СЭГ объектларида геология-қидирув ишларини самарали ишлаб чиқиш ва амалга ошириш ер ости участкалари истиқболларини профессионал баҳолаш, объектларнинг геологик тузилиши тўғрисида мавжуд материаллар таҳлилини ўтказиш, жумладан, аввал бажарилган ишларнинг натижадорлиги ва ишончлилиги натижаси ҳисобланади.
Реклама ҳуқуқи асосида.
Изоҳ (0)