Joriy yilda “Sanoat energetika guruhi” (SEG) MChJ XK tomonidan 5 ta yangi tuzilmaning qidiruv burg‘ilanishi, 8 ta kon razvedkasini yakuniga yetkazish, 30 ta quduq, jumladan, 18 ta neft va 14 ta gaz quduqlarini qidiruv razvedkali burg‘ilash rejalashtirilgan.
Bunda joriy yil yakunlari bo‘yicha uglevodorod zaxiralarining ortishi 5 milliard kub metr tabiiy gaz va 1,27 million tonna kondensatli neft miqdorida baholanmoqda.
Joriy yilga mo‘ljallangan prognoz ko‘rsatkichini ishlab chiqishda SEG mutaxassislari kompaniya tomonidan amalga oshirilgan kompleks geologiya-qidiruv ishlarining (GQI) borishining batafsil tahlili, jumladan, ularning o‘tgan yildagi natijalariga asoslangan. 2021-yilda qidiruv razvedkali burg‘ilash ishlarining umumiy hajmi 31 ming 431 metrni tashkil qilgan.
Konlarning professional va kompleks baholanishi xatarlardan maksimal darajadagi himoyani taqdim etish imkonini berib, tegishli ravishda biznesning samarali rivojiga xizmat qiladi.
Konning eng zamonaviy metodologiyalar va eng yaxshi xalqaro tajribaga asoslanib baholanishi loyihani rivojlantirishning eng yaxshi varianti uchun maqbul yechimni tanlash uchun asos bo‘lib xizmat qiladi. Shu munosabat bilan “Sanoat energetika guruhi” tomonidan GQI singari muhim yo‘nalish salohiyati oshirib borilmoqda va buni erishilgan natijalar ham tasdiqlamoqda.
Shu tariqa, 2021-yil yakunlari bo‘yicha SEG loyihalarini amalga oshirish davomida 4 ta yangi tuzilma — “Botirboy”, “G‘arbiy Kuanish”, “Ergazi” va “Oltiariqsoy”da qidiruv burg‘ilash ishlariga kirishildi. Bitta yangi “Ergazi” koni ochildi. Bu yerda aniqlangan konlarda uglevodorod zaxiralarini tahlil qilish uchun qidiruv razvedka ishlari davom ettiriladi.
O‘tgan yili “Markaziy Avval”, “Zekri” va “Tergachi” konlarida amalga oshirilgan burg‘ilash ishlari nafaqat qatlamlarning neft va gazga boyligi istiqbollarini baholash, balki konlar konturlarini ham sezilarli ravishda oshirish imkonini berdi.
O‘z navbatida, “Shimoliy Kultak”, “G‘arbiy Orol”, “Qoraiz” konlari bo‘yicha razvedkali burg‘ilash ishlari olib borilishi neft va gazga boylik konturlarni kengaytirish va zaxiralarni “istiqbollilar” (C2) toifasidan “razvedka qilinganlar” (C1) toifasiga o‘tkazilishiga xizmat qildi.
2021-yilda amalga oshirilgan geologiya-qidiruv va baholash-ekspluatatsiya burg‘ilash ishlari natijalari bo‘yicha “Shimoliy Maymanak”, “Markaziy Avval” va “Chegara” konlar guruhi bo‘yicha neft va gaz zaxiralarini tezkor ravishda hisoblash (qayta hisoblash) amalga oshiriladi.
Ishlab chiqarish gaz dasturini amalga oshirish doirasida boshqa rejadagi ishlar ham bajarildi. Natijada 2021-yil yakunlari bo‘yicha SEG loyihalarini amalga oshirish davomida 4 ta yangi tuzilmada qidiruv-burg‘ilash ishlariga kirishildi, 13 ta quduqni burg‘ilash boshlandi, 8 ta quduqni burg‘ilash ishlari yakunlandi, 4 ta quduq sinovdan o‘tkazilmoqda, 4 ta quduq qurilishi yakunlandi.
“Sanoat energetika guruhi” MChJ XKning 10 ta yangi tuzilmasida qidiruv burg‘ilash va 9 ta razvedka qilinayotgan neft va gaz konlarini razvedkali (razvedkadan oldingi) burg‘ilash bo‘yicha geologik loyihalar tayyorlandi va qabul qilindi.
“Bizning geologiya-qidiruv ishlarimiz SEG xomashyo bazasi rivojlanishining asosi hisoblanadi. Shaxsiy tahlil, jalb qilingan ekspertlar fikri 2021-yil yakunlari bo‘yicha yangi konlarni o‘zlashtirish, shuningdek, uglevodorod zaxiralarini C1 (razvedka qilinganlar) sanoat toifasiga o‘tkazish hisobiga zaxiralar o‘sishi qariyb 1,4 milliard kub metr gazni va 0,7 million tonna neftni tashkil etganini ko‘rsatdi. 2022-yilda bu natijalarni mustahkamlash va bir necha bor oshirish uchun barcha asoslar mavjud”, — dedi “Sanoat energetika guruhi” bosh direktori Shokir Fayzullayev.
Yangi konni o‘zlashtirish variantini tanlashda kompaniya mutaxassislari tomonidan eng yaxshi xalqaro tajribaga asoslangan holda obyekt bo‘yicha mavjud barcha axborotlar hisobi va tahlili yuritilmoqda, shuningdek, qator xatar va cheklovlar e’tiborga olinmoqda.
SEG obyektlarida geologiya-qidiruv ishlarini samarali ishlab chiqish va amalga oshirish yer osti uchastkalari istiqbollarini professional baholash, obyektlarning geologik tuzilishi to‘g‘risida mavjud materiallar tahlilini o‘tkazish, jumladan, avval bajarilgan ishlarning natijadorligi va ishonchliligi natijasi hisoblanadi.
Reklama huquqi asosida.
Izoh (0)