Футбол бўйича Германия чемпионатининг 21-туридан ўрин олган ўйинда «Бавария» 5 февраль, шанба куни «Лейпциг» билан баҳс юритди.
«Альянс-Арена»да ўтган баҳсда умумий ҳисобда 5 та гол киритилди ва «Бавария» 3:2 ҳисобида ғалаба қозонди. «Бавария» сафида Томас Мюллер ва Роберт Левандовски ўз номини таблога ёздириб қўйди. Яна бир вазиятда эса Ёшко Гвардиол ўз дарвозасини ишғол этиб қўйди. Меҳмонларнинг голларига эса Андре Сильва ва Кристофер Нкунку муаллифлик қилди.
Ушбу ғалабадан кейин «Бавария» 52 очко билан пешқадамлик қилмоқда. Ҳисобида 31 очко бўлган «Лейпциг» эса 7-поғонани банд қилган.
Бундеслига
21-тур баҳси
«Бавария» – «Лейпциг» 3:2
Голлар: 1:0 – 12 Мюллер, 1:1 – 27 Андре Сильва, 2:1 – 44 Левандовски, 2:2 – 53 Нкунку, 3:2 – 58, автогол Гвардиол.«Бавария»: Нойер, Зюле, Эрнандес (Упамекано, 73), Павар, Гнабри, Толиссо (Мусиала, 63), Киммих, Мюллер (Забитцер, 84), Левандовски, Сане, Коман (Нянзу, 85).
«Лейпциг»: Гулачи, Мукиеле (Ҳенрихс, 72), Орбан, Клостерманн, Гвардиол, Анхелинё, Кампл (Собослаи, 46), Лаймер (Айдара, 61), Нкунку, Олмо (Форсберг, 60), Андре Сильва (Поульсен, 80).
Огоҳлантиришлар: Эрнандес (22), Лаймер (45), Нкунку (62), Ҳенрихс (74).
Изоҳ (0)