Futbol bo‘yicha Germaniya chempionatining 21-turidan o‘rin olgan o‘yinda “Bavariya” 5-fevral, shanba kuni “Leypsig” bilan bahs yuritdi.
“Alyans-Arena”da o‘tgan bahsda umumiy hisobda 5 ta gol kiritildi va “Bavariya” 3:2 hisobida g‘alaba qozondi. “Bavariya” safida Tomas Myuller va Robert Levandovski o‘z nomini tabloga yozdirib qo‘ydi. Yana bir vaziyatda esa Yoshko Gvardiol o‘z darvozasini ishg‘ol etib qo‘ydi. Mehmonlarning gollariga esa Andre Silva va Kristofer Nkunku mualliflik qildi.
Ushbu g‘alabadan keyin “Bavariya” 52 ochko bilan peshqadamlik qilmoqda. Hisobida 31 ochko bo‘lgan “Leypsig” esa 7-pog‘onani band qilgan.
Bundesliga
21-tur bahsi
“Bavariya” – “Leypsig” 3:2
Gollar: 1:0 – 12 Myuller, 1:1 – 27 Andre Silva, 2:1 – 44 Levandovski, 2:2 – 53 Nkunku, 3:2 – 58, avtogol Gvardiol.“Bavariya”: Noyer, Zyule, Ernandes (Upamekano, 73), Pavar, Gnabri, Tolisso (Musiala, 63), Kimmix, Myuller (Zabitser, 84), Levandovski, Sane, Koman (Nyanzu, 85).
“Leypsig”: Gulachi, Mukiyele (Henrixs, 72), Orban, Klostermann, Gvardiol, Anxelinyo, Kampl (Soboslai, 46), Laymer (Aydara, 61), Nkunku, Olmo (Forsberg, 60), Andre Silva (Poulsen, 80).
Ogohlantirishlar: Ernandes (22), Laymer (45), Nkunku (62), Henrixs (74).
Izoh (0)