Qashqadaryo viloyati Chiroqchi tumanida 30-yanvar kuni Cobalt avtomobili yukxonasidan kelib chiqishi noma’lum bo‘lgan go‘sht mahsuloti aniqlandi. Bu haqda viloyat Ichki ishlar boshqarmasi xabar qildi.
Qayd etilishicha, shu kuni soat 01:40 atrofida karantin tadbirlarini ta’minlash guruhi xodimlari “Umakay” YPX maskanida Koson tumanida yashovchi fuqaro H.O‘. boshqaruvidagi Cobalt avtomashinasi tekshirish uchun to‘xtatgan. Natijada avtomobil yukxonasidan qoplarga joylashtirilgan, hech qanday veterinariya-sanitariya hujjatlarsiz, sanitariya-gigiyena talablariga zid ravishda kelib chiqishi noma’lum bo‘lgan, taxminan, 230 kilogramm og‘irlikdagi go‘sht mahsulotlari borligi aniqlangan.
Mahsulot belgilangan tartibda viloyat veterinariya va chorvachilikni rivojlantirish bo‘limi oziq-ovqat mahsulotlari xavfsizligi mikrobiologiya va veterinariya-sanitariya ekspertiza laboratoriyasiga topshirilgan.
Mavzuga doir:
- Farg‘onada 14,5 tonna go‘shtni ko‘mir ostiga yashirib, Tojikistonga olib o‘tishga uringan shaxslar aniqlandi
- Namanganda Lacetti yukxonasida 150 kilo iste’molga yaroqsiz go‘sht olib ketilayotgani aniqlandi
- Jizzaxda iste’molga yaroqsiz go‘sht mahsulotlarini Toshkent viloyatiga jo‘natish bilan shug‘ullangan shaxslar jarimaga tortildi
Izoh (0)