Uzbekistan Airways томонидан Наманган халқаро аэропортида «Шарқий хаб» лойиҳаси доирасида Наманган — Перм йўналиши бўйича илк парвоз амалга оширилди. Бу ҳақда «Дарё» мухбири Азизбек Абдувалиев хабар бермоқда.
Airbus А320 русумидаги эхпресс ҳаво кемаси «Тўлиқ эконом класс» (Full economy) тамойили асосида 174 нафар йўловчини Россиянинг Перм халқаро аэропортига элтиб қўйди.
Наманган халқаро аэропортида «Шарқий хаб» лойиҳасининг тақдимот маросими бўлиб ўтди. Унда авиакомпания вакиллари журналист ва блогерларни лойиҳанинг кўлами, парвозлар харитаси ва рейслар нархи билан таништирди.
Uzbekistan Airways матбуот котиби Камола Икромованинг маълум қилишича, «Шарқий хаб» ташкил этилишининг асосий мақсади Фарғона водийсидан талаб юқори бўлган йўналишлар бўйича парвоз қилиш учун қулай ва арзон шарт-шароитлар яратишдан иборат. Авиакомпания минтақадан Россия ва водий аҳолиси орасида талаб юқори бўлган узоқ хориж шаҳарларига йўналиш тармоғини кенгайтириш мақсадида Наманган ва Фарғона халқаро аэропортларидан фойдаланади.
Маълумот учун, Намангандан Full эcономй тамойилидаги навбатдаги рейслар Россиянинг Москва, Самара, Омск, Оренбург, Иркуцк, Краснодар, Екатеринбург ва Уфа шаҳарларига режалаштирилган.
Изоҳ (0)