Шота Арвеладзе Англияда иш бошлади. «Пахтакор» собиқ бош мураббийи «Ҳалл Сити»га устозлик қилади

«Пахтакор»нинг собиқ бош мураббийи Шота Арвеладзе Англия клуби билан шартнома имзолади.

48 ёшли мутахассис «Ҳалл Сити» билан икки ярим йиллик шартномага имзо чекди. Арвеладзенинг сўнгги клуби «Пахтакор» бўлганди.

Грузиялик мураббий Тошкент клубини 2017 йилдан 2020 йилга қадар бошқарган ва икки мартадан Ўзбекистон чемпионлиги (2019, 2020) ҳамда Ўзбекистон Кубогини (2019, 2020) қўлга киритган.

Бундан ташқари, Арвеладзе «Кайсериспор», «Қосимпошо» ва «Маккаби» жамоаларида ҳам фаолият олиб борган.

Маълумот учун, «Ҳалл Сити» Чемпионшипнинг (нуфузи бўйича Англияда Премьер Лигадан кейинги ўринда турувчи мусобақа) 27 ўйинидан сўнг 29 очко билан мусобақа жадвалида 19-ўринда бормоқда.