Англия Премьер Лигасининг январь ойидаги энг яхшилари номига даъвогарлар эълон қилинди

Англия Премьер Лигасида январь ойининг энг яхшиси бўлиш учун номзодлар эълон қилинди.

Январь ойининг энг яхши мураббийи бўлиш учун Пеп Гвардиола («Манчестер Сити», 3 ғалаба ва битта дуранг), Юрген Клопп (3 ғалаба ва битта дуранг), Бруну Лаже («Вулверҳэмптон», 3 ғалаба) ва Дин Смит («Норвич», 2 ғалаба ва битта мағлубият) каби мураббийлар кураш олиб боради.

Эслатиб ўтамиз, декабрь ойининг энг яхши мураббийи «шаҳарликлар» устози Пеп Гвардиола бўлган эди.

Шунингдек, лига ўтган ойнинг энг яхши футболчиси номига даъвогарлар рўйхатини ҳам эълон қилди. Булар: Давид де Хеа («Манчестер Юнайтед», 4 ўйин ва 4 ўтказиб юборилган гол, 22 та сейв), Кевин де Брюйне («Манчестер Сити», 3 ўйинда 1 та гол ва 1 та голли узатма), Жеррод Боуэн («Вест Ҳэм», 4 ўйинда 3 та гол), Жек Ҳаррисон («Лидс», «Вест Ҳэм»га қарши ўйинда ҳет-трик), Жоау Моутинё («Вулверҳэмптон», 3 ўйинда 2 та гол ва битта голли узатма) ва Жеймс Уорд-Проуз («Саутҳэмптон», 3 ўйинда 1 та гол ва 1 та голли узатма).

Декабрь ойида мазкур совринни «Манчестер Сити» вингери Раҳим Стерлинг қўлга киритганди.