Сурхондарёда «Жигули» ва юк машинаси тўқнашди, дея хабар бермоқда вилоят ИИБ.

Фото: Сурхондарё вилояти ИИБ

Қизириқ туманнинг «Кун чиқиш» маҳалласи ҳудудидан ўтувчи 4Р-100 автомобиль йўлининг 103-километрида автотранспорт ҳодисаси юз берди. Жарқўрғон тумани «Нурли диёр» маҳалласида яшовчи Ш.С. бошқарувидаги «КамАЗ» русумли автоулови билан Жарқўрғон–Қизириқ йўналиши бўйича қарама-қарши томонидан ҳаракатланиб келаётган «ВАЗ-2106» русумли автомашина билан тўқнашган.

Оқибатда «ВАЗ-2106» ҳайдовчиси А.Қ. тан жароҳати олиб, касалхонага тушган. Бироқ орадан бир неча кун ўтиб, фуқаро касалхонада вафот этган.

Ҳолат юзасидан Жиноят кодексининг 266-моддаси 2-қисми (одам ўлимига сабаб бўлган транспортдан фойдаланиш хавфсизлиги қоидаларини бузиш) билан жиноят иши қўзғатилган.