Ўзбекистоннинг аксар ҳудудларида 25 январь куни электр энергияси таъминоти узилишлар кузатилгани сабаб олий ва ўрта махсус таълим муассасаларида дарс машғулотлари ва якуний имтиҳонлар ўтказилмай қолди. Олий ва ўрта махсус таълим вазирлиги ҳолат бўйича расмий маълумот берди.
Қайд этилишича, 25 январь куни олий ва профессионал таълим муассасалари, академик лицейларда режалаштирилиб, электр энергияси таъминотидаги узилишлар сабаб ўтказилмаган дарс машғулотлари, якуний имтиҳонлар ҳар бир таълим муассасасининг қўшимча ишлаб чиқилган режа-графиклари асосида ўтказилади. Бу орқали одатий дарс режаларига етказиб олинади.
Ўзбекистонда кузатилган электр энергиясининг йирик носозлиги хронологияси
25 январь куни соат 11:00 ларда Ўзбекистоннинг қатор вилоятларида электр энергияси таъминоти узилди. Тошкент метрополитени фаолияти ҳам тўхтаган, Республикадаги барча поездлар ўз манзилларига кечикиб етиб бориши айтилмоқда. Тошкент шаҳар ИИББ эса тибандликларнинг олдини олиш мақсадида кўчага зарурат бўлмаса, шахсий машинада чиқмасликни тавсия қилмоқда.Энергетика вазирлиги маълумотларига кўра, ҳозирда Тошкент вилоятидаги Чорвоқ, Ҳожикент ва Товоқсой гидроэлектр станциялари, Навоий вилоятидаги Навоий иссиқлик электр станцияси, Қорақалпоғистон Республикасидаги Тахиатош иссиқлик электр станцияси ҳамда Фарғона вилоятидаги Фарғона иссиқлик электр маркази орқали энергетика тизимига қувват узатиш бошланган.
Мавзуга доир: «Тошкентда свет ўчганига ҳайрон қолдим». Пойтахт аҳолиси ва меҳмонлари электр энергиясидаги узилишлар ҳақида (видео)
Энергия танқислиги ортидан Ўзбекистон Афғонистонга электр энергияси етказиб беришни тўхтатди. Газли, Шўртан ҳамда Муборак нефть ва газ қазиб чиқариш бошқармаларидаги 64 та кон фаолиятини вақтинча тўхтатди.
ССВ Зангиота ковид-марказларидаги электр энергияси билан боғлиқ ҳолат юзасидан маълумот берди.
Энергетика вазирлиги 25 январь, соат 22:30 ҳолатига кўра, республика ҳудудларида электр энергияси таъминоти билан боғлиқ ҳолат юзасидан қўшимча маълумот берди.
Изоҳ (0)