Муваффақиятга эришиш учун диплом шарт эмас: Мактабни тугата олмаган жаҳон юлдузлари (фото)

Қуйидаги ақлли, иқтидорли, машҳур инсонларга қараб, уларнинг умумтаълим мактабини битирмаганига ишониш қийин.

Энтони Ҳопкинс

Бўлажак «Оскар» совриндори мактабда ақлий заиф деб ҳисобланган. Бунинг сабаби Энтони дислексиядан азият чеккан, у ҳарфлар ва сўзларни ажрата олмаган, шунга мос равишда ўқиш ёки ёзишни жуда секин ўзлаштирган. У фақат пианино чалишни яхши биларди, лекин бу қобилият ўқитувчилар томонидан эътиборга олинмади. Натижада Ҳопкинс мактабни тарк этишга мажбур бўлган.

Жим Керри

Керри ҳам оиладаги молиявий қийинчиликлар туфайли мактабни тугатмаган. Бола жуда қаттиқ ҳаракат қилган ва дарсларни қолдирмаган шунга қарамай, у мактабдан кейин заводда 8 соат ишлашга мажбур бўлган. Бу унинг ўқишига таъсир қилди. Керри уч йил кетма-кет 10-синфда қайта ўқиш учун қолди, охир оқибат мактабни ташлаб кетди.

Кейт Уинслет

Бир вақтлар Кейтни ортиқча вазни туфайли синфдошлари ҳақорат қилганини бугун тасаввур қилиш қийин. Уларнинг масхара қилганига бўлажак актриса чидай олмай, мактабни ташлаб кетган.

Аль Пачино

Аль Пачино дастлаб спорт карьерасини орзу қилган ва ҳатто мактабнинг бейсбол жамоасида ўйнаган. Аммо 17 ёшида у пул ишлашга қарор қилди ва мактабни ташлаб кетди. Унинг фақат актёрлик мактаби дипломи бор, аммо бу унинг юлдуз бўлишига тўсқинлик қилмади.

Жерар Депардье

Депардьенинг характери эрта болаликдан, дарс ўрнига ўғрилик ва кейинчалик машиналарни қайта сотиш билан шуғулланганида намоён бўла бошлади. 12 ёшида у синфдошлари билан хайрлашди ва мактаб партасида уни бошқа кўришмади. Бугунги кунга қадар журналистлар Жерар Депардьенинг тўғри ёза олишига ишончлари комил эмас.

Анжелина Жоли

Анжелина, Кейт Уинслетдан фарқли ўлароқ, ўзининг озғинлиги ва тишларидаги брикетлар туфайли синфдошлари томонидан масхара қилинган. Бу ҳолат уни депрессияга олиб келди ва мактабни ташлаб кетди.

Том Круз

Круз, худди Ҳопкинс каби, дислексиядан азият чекади. Ўз-ўзидан маълумки, у мактабда қийналган. У 15 маротаба мактабини ўзгартирди, лекин бу ҳеч нарсага олиб келмади. Круз ҳатто руҳоний бўлишга ҳаракат қилди, кейинчалик ўз фикрини актёрлик карьерасига ўзгартирди.

Пирс Броснан

Бўлажак Жеймс Бонд 15 ёшида Лондонга кўчиб ўтди ва шу заҳоти ўз курсдошлари томонидан масхара қилиниб, уни талаффузи туфайли «ифлос ирландиялик» деб аташди. У беш йил давомида азоб чекди, кейин 16 ёшида уйдан ва мактабдан қочиб кетган. Сўнгра актёр ҳеч қачон машғулотларга қайтмади.

Николь Кидман

Кидман мактабда яхши ўқиган, у яхши баҳоларга ўқиди, хореография студиясига қатнади ва қўшиқ куйлади. Аммо Николь онасининг касаллиги учун ўқишни тўхтатишга мажбур бўлган, чунки ундан бошқа қаровчи бўлмаган. Шу тариқа актриса мактабни тамомлай олмаган.

Жонни Депп

Жонни ўқишни хоҳламасди, у рок юлдузи бўлишни орзу қилган. Шунинг учун у гуруҳ машғулотларига бориб, дарсларни қолдирди, уй вазифаси ҳақида эса ҳеч нарсани ўйламасди. 15 ёшида мактабни тарк этишга қарор қилди. Бунинг ўрнига Жонни актёрлик сабоқларини олди ва миллионлаб пул ишлаб топмоқда. Лекин у ҳали ҳам мактаб йилларини қумсайди.