2021 йилнинг катталарга ва болаларга бирдек ёқадиган энг яхши мультфильмлари

Кўпинча болалар мультфильм кўрганда катталар зерикиб, мизғий бошлайди. Аммо қуйидаги мультфильмлар нафақат болаларни, балки катталарни ҳам экран қаршисига михлаб қўяди.

Куйла-2

Иккинчи қисми биринчисидан яхшироқ бўлган кино ва мультфильмларни биласизми? «Куйла-2» билан айнан шундай бўлди! Бу оригинали ёмон бўлган дегани эмас, шунчаки давоми анча қизиқарлироқ чиққан. Севимли қаҳрамонлар саҳнага қайтиб, яна қўшиқ куйлайдилар, лекин бу сафар уларда глобал мақсад бор — ўйин-кулги пойтахти бўлмиш катта шаҳарга бориш ва албатта, уни забт этиш. Продюсер коала, тўхтовсиз рақсга тушадиган дўмбоқ, тиканли панк қиз, уятчан мактаб ўқувчиси, катта гангстер ва кўп болали она жангга тайёр!

Рая ва сўнгги аждаҳо

Қадим замонларда сеҳрли Кумандре ўлкасида одамлар билан аждарлар — яратувчилар ва сув қўриқчилари ёнма-ён яшаган. Друун пайдо бўлиши билан тинч ҳаёт тугайди. Зулмат махлуқлари одамларни ва аждарларни тош ҳайкалга айлантиради ва фақат Сисунинг сеҳри ёвуз жонзотларни ҳайдаб, одамларни сеҳрдан халос бўлишларига ёрдам берди, лекин бу сеҳр аждарларга таъсир қилмайди. Кумандра Юрак, Қозиқтиш, Тирноқ, Умуртқа ва Қуйруқ номли давлатларга бўлинган бўлиб, сеҳрли аждаҳо тоши Раянинг отаси ҳукмдор бўлган Юрак мамлакатида сақланар эди. Отаси мазкур давлатларни бирлаштиришни орзу қиларди, лекин инсоннинг очкўзлиги ва ҳасади туфайли сеҳрли тош парчаланиб кетади. Ҳар бир мамлакатнинг ҳукмдори ундан бир парча олади ва друунлар яна ҳукмронлик қила бошлайдилар.

Бир неча йил ўтгач, Рая ва унинг содиқ ҳамроҳи Тук-Тук қўрқмасдан куйдирилган чўл бўйлаб саёҳатга чиқишади, қолган дарёларни излаш ва друунларни мағлуб этишда одамларнинг охирги умиди бўлган сўнгги аждаҳони топиш умидини йўқотмайдилар.

Лука

Уйда тайёрланган макарон, музқаймоқ ва чексиз мопед саёҳатлари билан тўлган унутилмас таътилни Лука исмли бола Италиянинг Ривера соҳилида жойлашган гўзал денгиз бўйидаги шаҳарчада ўтказмоқда. Луканинг бирон-бир саргузашти унинг янги дўсти иштирокисиз бўлмайди.

Тузатиб бўлмас Рон

Ҳар бир боланинг ҳақиқий дўсти бўлиши керак. Қандайдир уй ҳайвонлари эмас. Энг яхши дўст ҳаракат қила оладиган, гапира оладиган, энг муҳими, интернетга уланган ва эгасига ижтимоий тармоқларда ёзиш ва барча сўнгги тенденцияларни ўрганишга, синфдошлар билан алоқада ва янгиликлардан хабардор бўлишга ёрдам берадиган ажойиб робот бўлиши мумкин. Ҳамма мактаб ўқувчиларида шундай робот бор. Аммо уятчан Барни бундан мустасно, шунинг учун у ўз тенгдошлари орасида ўзини бегонадек ҳис қилади — токи у узоқ кутилган туғилган куни совғасини олмагунча. Бироқ Рон исмли робот нуқсонли бўлиб чиқади, аммо ёш эгаси унга ўзи билган ҳамма нарсани мустақил равишда ўргатишга қарор қилади.

Энканто

Ҳеч кимга ўхшамайдиган Мадригаллар оиласи Колумбия тоғларида яширинган Энканто деб номланган ажойиб ва ​​мафтункор бурчакда жойлашган сеҳрли уйда яшайди. Мадригаллар оиласидаги ҳар бир бола бу ернинг сеҳридан ўзига хос совға — ўта кучлиликдан тортиб ҳар қандай касалликни даволаш қобилиятига эга бўлган. Афсуски, сеҳрли қобилият биргина Мирабеллни четлаб ўтади. Энкантонинг сеҳри хавф остида эканлигини билиб, Мирабелл ўз оиласини сақлаб қолиш учун охирги умид эканини тушуниб етади.

Пиля

Пиля Туманвил кўчаларида яшовчи шумтака етим қиз. Бир куни қалъа қўриқчилари қўлига тушмаслик учун у малика кўринишида кийиниб олади ва ақл бовар қилмайдиган саргузаштларга аралашиб қолади. Шафқатсиз Тристан тахтга эга чиқиш учун сеҳр ёрдамида шаҳзода Роландни мушук-товуққа (ярим мушук, ярим товуқ) айлантиради. Пиля шаҳзодани ва бутун салтанатни қутқара оладиган ягона одамга айланади.