Ретро автомобиллардан спорткарларгача: Жаҳон юлдузларининг ҳашаматли автоуловлари (фото)

Юлдузларнинг ҳашаматли ва эксклюзив автомобиллари кўпинча мухлислар ҳамда папарацциларнинг эътиборини тортади. Кимдир учун машина қулай транспорт воситаси, кимдир учун ажойиб аксессуар, яна бировларга бу коллекция учун ажойиб буюмдир.

Хью Грант – Ferrari F12 ТDF

Нархи: 325 092 доллар

Британиялик актёр Хью Грант ушбу ноёб ва ҳашаматли Ferrari’га эгалик қилиш учун уни машҳур қилган фильмлардан олган гонорарларидан фойдаланган. Грант нафақат замонавий кўринишга эга, балки 340 км/соат тезликка эга спорткарнинг 800 нусхасидан бирининг эгасидир.

Кендалл Женнер – Rolls-Royce Wraith

Нархи: 325 530 доллар

Ўзини «автомобиль ихлосманди» деб эълон қилган Кендалл Женнер бир қатор ҳашаматли машиналарнинг фахрли эгасидир. Унинг коллекциясида ноёб Ferrari ва Cadillac’лар бор, лекин унинг энг қиммат хариди Rolls-Royce Wraith бўлиб, Кендаллга, тахминан, 400 000 долларга тушган.

Бейонсе ва Jay-Z – Rolls-Royce

Нархи: 28 292 298 доллар

Табиат қўйнида тамадди қилиш учун ажойиб тўплам, шампан ичимлиги учун махсус совиткич ва кўк рангли чарм билан безатилган Rolls Royce Boat Tail ноёб автомобили – аслида у дунёдаги энг қиммат моделдир. Бундай топилманинг эгалари – Бейонсе ва Jay-Z.

Жуфтлик ҳашаматли автомобилларга меҳр қўйган, шунинг учун уларнинг оилавий коллекцияси доимий равишда эксклюзив моделлар билан янгиланади. Уларнинг гаражида Rolls Royce’дан ташқари Ferrari F430 Spider, Porsche 911 Carrera Cabriolet ва Maybach Exelero’ни кўриш мумкин.

Канье Уэст – Lamborghini Aventador

Нархи: 443 355 доллар

Сотиб юбормасидан аввал собиқ севгилиси Ким Кардашьян томонидан Каньега совға қилинган Lamborghini Aventador реппер коллекциясидаги энг қиммат машиналардан бири бўлган. Аммо реппер бундан бошқа ҳашаматли машиналарга ҳам эга, масалан, Mercedes Benz SLR McLaren Stirling Moss – дунё бўйича атиги 75 та бор. Унинг нархи, тахминан, 750 000 долларни ташкил этади.

Леди Гага – 1965 йилда ишлаб чиқарилган Lincoln Continental кабриолети

Нархи: 457 952 доллар

Леди Гага ниҳоятда қиммат машиналарга эга ва у уларни кўз-кўз қилишга ҳам қарши эмас. Унинг коллекциясида (Lamborghini, иккита Chevrolet ва Rolls-Royce киради) 1965 йилда ишлаб чиқарилган ретро Lincoln Continental Convertible’ни ҳам мавжуд.