«Дакар раллиси — 2022»нинг ёдда қоладиган лаҳзалари (фото)

Саудия Арабистонида 1–14 январь кунлари «Дакар» ралли-марафони ўтказилди. Мазкур пойгалар 2021 йилда ҳам Саудияда бўлиб ўтганди. «Интерфакс» бу йилги ралли-марафонининг ёдда қоладиган лаҳзалари акс этган фотосуратлар жамланмасини тақдим этди.

«Дакар» раллиси узоқ вақт давомида «Париж—Дакар» номи билан ҳам атаб келинади. Мазкур ралли-марафонга франциялик Тьерри Сабин асос солган. Пойгалар «Дакар-1979»дан бери ўтказиб келинади, 1978 йил декабрида пойгаларнинг биринчи рейдига старт берилган ва якуний босқич 1979 йилда ўтказилганди.

2009 йилга қадар ралли Сенегал пойтахти Дакарда бошланар ёки тугар эди (1992- ҳамда 2003 йиллар бу анъана истисно қилинган). 2009 йилдан 2019 йилгача ралли Жанубий Америкада ўтказилди, Африка йўналишидаги махсус иштирокчилар учун Africa Ecо Race пойгалари ташкиллаштирилган. 2020 йилда ралли маршрути Осиёга ўзгарди ва икки йилдан буён Саудия Арабистонида ўтказилмоқда.

Ралли-рейдда профессионал спортчилар, заводларнинг жамоалари, шунингдек, ҳаваскор пойгачилар иштирок этади, ҳаваскорлар умумий қатнашчиларнинг 80 фоизини ташкил қилади. «Дакар»да 1981 йилдан бери умумий ғолиблар рўйхати юритилмайди, мусобақалар ғолиблари ўз синфларида эълон қилинади, булар ҳозирда автомобиллар, мотоцикллар, квадроцикллар, Side-by-side (UTV) мотойўлтанламаслари ва юк машиналари. Махсус иштирокчиларнинг йўналишлари турли синфларда турлича бўлиши мумкин.