Перу қирғоқларига ёпирилган улкан тўлқинлар икки кишининг ўлимига сабабчи бўлди. Бу ҳақда мамлакат полиция хизмати ўзининг Twitter’даги саҳифаси орқали маълум қилди.
«СанМартин ҳудудидаги Найламп пляжида аномал тўлқинлар сабаб полиция ходимлари икки кишини ўлик ҳолда топганини чуқур қайғу билан маълум қиламиз», — дейилади хабарда.
Фожиа содир бўлган пляж ҳозирда сузиш учун яроқсиз деб топилган.
Аввалроқ Туркияда сайёҳлар билан экскурсия уюштираётган қайиқ чўкиб кетганди. Ҳодиса оқибатида 2 ёшли бола ҳалок бўлган. Шунингдек, Бразилия кўлида қоя қулаши оқибатида ҳалок бўлганлар сони 10 кишига етган. 16 январь куни Япония соҳилларида эрта тонгда огоҳлантириш берилганидан бир неча дақиқа ўтгач, цунами ҳамда вулқон отилиши каби табиий офатлар юз берган. Мамлакатда 3 метр баландликкача цунами хавфи эълон қилинган, шунингдек, Курил оролларида ҳам Тонга вулқони отилганидан кейин фавқулодда огоҳлантириш берилган.
Изоҳ (0)