Шимолий Корея Япон денгизи томон номаълум снарядни учирди. Бу ҳақда Жанубий Корея Бирлашган штаб бошлиқлари қўмитасига таяниб, Yonhap агентлиги хабар берди.
Kyodo агентлиги Япониянинг Соҳил хизматига таяниб ёзишича, снаряд баллистик ракета бўлиши мумкин. Мазкур ракета денгизга қулагани тахмин қилинмоқда. Yomiuri газетаси мамлакат Соҳил хизмати рейсда бўлган кемалардан денгизга қулаган барча предметлар ҳақида хабар беришни сўраётгани тўғрисида ёзган.
Yonhap’нинг қайд этишича, бу КХДР томонидан «кучларини намойиш этиш»га бўлган тўртинчи уриниш: Шимолий Корея 2022 йилдаги биринчи ракетасини 5 январь куни, иккинчисини — 11 январда ва учинчисини 14 январда учирган эди.
Аввалроқ Шимолий Корея АҚШ Пхеньянга нисбатан янги санкцияларни жорий этгач, «янада кучли ва аниқ жавоб» қайтаришга мажбур бўлиши ҳақида огоҳлантирганди. «Агарда АҚШ шу каби контрфронтал позицияни эгаллашни давом этса, КХДР бунга янада кучли ва аниқ жавоб қайтаришга мажбур бўлади», — дейилади Шимолий Корея ТИВ вакилининг баёнотида.
Изоҳ (0)