Хитой АҚШ томонидан Эронга нисбатан бир томонлама санкциялар қўлланишига қарши. Бу ҳақда мамлакат ташқи ишлар вазири Ван Ига таяниб, «Интерфакс» хабар берди.
«Ван И Хитой Эронга қарши бир томонлама ноқонуний санкцияларга, инсон ҳуқуқлари каби масалаларда сиёсий манипуляцияга, Эрон ва минтақадаги бошқа давлатларнинг ички ишларига қўпол аралашишга қарши кескин қарши эканини маълум қилди», — дейилади хабарда.
Хитой ташқи ишлар вазири эронлик ҳамкасби билан учрашувда Эрон билан ҳамкорлик қилишга, ўзларининг асосий манфаатларини ҳимоя қилишда бир-бирларини қўллаб-қувватлаш, гегемонизм ва куч сиёсатига биргаликда қарши туришга тайёрлигини билдирган.
Томонлар Эрон ядровий дастури атрофидаги вазият бўйича фикр алмашган. Ван И ҳозирги вазият юзага келишига АҚШнинг Кенг қамровли қўшма ҳаракатлар режасидан бир томонлама чиқиши сабаб юзага келганини ва «айнан улар асосий масъулиятни зиммасига олиш ҳамда имкон қадар тезроқ хатосини тузатиши кераклигини» айтган.
Аввалроқ АҚШ давлат котиби Энтони Блинкен NPR радиостанцияси эфирида Эрон Кенг қамровли қўшма ҳаракатлар режасини қайта тиклаш бўйича Венадаги музокараларда келишувга эришиш учун белгиланган муддат чекланганини айтиб ўтган.
Ядро бўйича қўшма ҳаракатлар режаси деб номланадиган келишув 2015 йил ёзида Теҳрон ҳамда бешта воситачи мамлакат ўртасида имзоланган. Кейинчалик Эроннинг мазкур келишувни қўпол равишда бузганликда айблашган. 2018 йил май ойи бошида АҚШ келишувдан бир томонлама чиқишини эълон қилган ва Эронга қарши санкциялар қайта жорий қилинганини билдирди. Эрон эса келишув шартларига ортиқ риоя қилмаслиги ва 2020 йил январдан мазкур шартномадан тўлиқ чиққанини қайд этганди.
Изоҳ (0)