Футбол бўйича Англия Премьер Лигасининг 18-турида «Тоттенҳэм» ва «Ливерпуль» жамоалари 19 декабрь, якшанба куни ўзаро баҳс юритди.
Учрашувнинг 13-дақиқасида Ҳарри Кейн лондонликларни ҳисобда олдинга олиб чиққан бўлса, 35-дақиқада Диогу Жота мувозанатни тиклади. 69-дақиқада Эндрю Робертсон «қизиллар»нинг иккинчи голини урди. Бунга «шпорлар» Сон Ҳён Миннинг 74-дақиқада киритган тўпи билан жавоб қайтарди.
77-дақиқада мерсисайдлар ҳимоячиси Робертсон тўғридан-тўғри қизил карточкага лойиқ кўрилди. Қолган вақтда ҳисоб ўзгармади.
Бу натижадан кейин «Ливерпуль» 41 очко билан иккинчи ўринда бормоқда ва пешқадам «Манчестер Сити»дан уч очко ортда қоляпти. «Тоттенҳэм» эса 26 очко билан 7-поғонадан жой олган.
АПЛ
18-тур баҳси
19 декабрь, якшанба
«Тоттенҳэм» — «Ливерпуль» 2:2
Голлар: 1:0 – 13 Кейн, 1:1 – 35 Диогу Жота, 1:2 – 69 Робертсон, 2:2 – 74 Сон Ҳён Мин.«Тоттенҳэм»: Льорис, Эмерсон, Дайер, Дэвис, Санчес, Сессеньон (Регилон, 86), Алли (Лукас Моура, 81), Уинкс, Ндомбеле (Скипп, 64), Сон Ҳён Мин, Кейн.
«Ливерпуль»: Алиссон, Александер-Арнольд, Матип, Konaте, Робертсон, Милнер, Кейта, Мортон (Фирмино, 60), Салоҳ, Мане (Цимикас, 82), Диогу Жота (Гомес, 90+2).
Огоҳлантиришлар: Кейн (20), Мортон (23), Эмерсон (28), Уинкс (47), Дэвис (58), Кейта (84), Konaте (85), Цимикас (90+5).
Четлатиш: Робертсон (77).
Изоҳ (0)