Футбол бўйича Англия чемпионатининг 18-туридан ўрин олган ўйинда «Арсенал» 18 декабрь, шанба куни «Лидс» билан баҳс юритди.
Учрашувда умумий ҳисобда 5 та гол урилди. Дастлаб Габриэль Мартинелли 16 ва 28-дақиқаларда кетма-кет 2 та гол уриб, дублни расмийлаштирди. Биринчи бўлим якунида Букайо Сака ҳисобни «Арсенал»нинг фойдасига йирик кўринишга олиб келди.
Учрашувнинг иккинчи бўлимида мезбонлар ҳисобни қисқартиришга муваффақ бўлди: Рафинья Диас 11 метрлик жарима зарбасини голга айлантирди. 84-дақиқага келиб, Эмиль Смит-Роу «Арсенал»нинг 4-голини уриб, ўйинга якуний нуқтани қўйди — 4:1.
Мазкур ғалабадан кейин «канонирлар» 32 очко билан 4-ўринда бормоқда. «Лидс» эса 16 очко билан 16-ўринни эгаллаб турибди.
Қайд этиш керак, 18-турнинг 6 та ўйини коронавирус пандемияси туфайли қолдирилди. Булар: «Астон Вилла» – «Бёрнли», «Саутҳэмптон» – «Брентфорд», «Вест Ҳэм» – «Норвич», «Уотфорд» – «Кристал Пэлас», «Манчестер Юнайтед» – «Брайтон», «Эвертон» – «Лестер».
АПЛ
18-тур баҳси
18 декабрь, шанба
«Лидс» – «Арсенал» 1:4
Голлар: 0:1 – 16 Мартинелли, 0:2 – 28 Мартинелли, 0:3 – 42 Сака, 1:3 – 75, пенальти Рафинья, 1:4 – 84 Смит-Роу.«Лидс» – Меле, Драме, Эйлинг, Кох, Даллас, Форшоу, Клих (Гринвуд, 78), Ҳаррисон (Саммервилл, 31; Маккаррон, 81), Робертс, Рафинья, Гелҳардт.
«Арсенал» – Рэмсдейл, Томиясу (Соареш, 64), Габриэль, Уайт, Тирни, Нуну Тавареш, Сака (Смит-Роу, 78), Жака, Парти, Эдегор, Ляказетт, Мартинелли.
Огоҳлантиришлар: Гелҳардт (52), Даллас (56), Жака (86).
Изоҳ (0)