АҚШ ҳарбий-денгиз кучлари лазер қуролини синовдан ўтказди. Бу ҳақда АP хабар берган.
Синовлар Қизил денгиздаги Аден бўғозида ўтказилди. АҚШнинг Портленд кемасидаги лазер қуроли воситасида денгиздаги нишон йўқ қилинди.
Қайд этилишича, 2020 йилда Портленд учиб келаётган дронни хавфсизлантириш учун лазердан фойдаланган.
Аден кўрфази айни вақтда уруш кетаётган Яман яқинида жойлашган. Мамлакатда 2014 йилда хусийлар пойтахтни эгаллаб олганидан буён қуролли тўқнашувлар давом этмоқда. Жангарилар шу атрофдаги денгиз йўлларига масофадан бошқариладиган қайиқлар жойлаштирган ва уларга портловчи ускуналар ўрнатган.
Катта эҳтимол билан АҚШ ҳарбийлари синовда ўтказган лазер қуроли келгусида шу каби масофадан бошқариладиган катерларни хавфсизлантириш мақсадида синовдан ўтказилмоқда.
Эслатиб ўтамиз, аввал Ҳиндистон янги зенит ракетасини тест қилган. Синовлар Одиша штати соҳилларидаги Чандипур комплекс тажриба полиганида ўтказилганди. Ракета вертикал учириш созламалари воситасида синалган.
Шунингдек, Россия ҳам коинотда янги қуролини синовдан ўтказган. Москва сунъий йўлдошга қарши қуролни ўз ускуналаридан бирига қарши тест қилиб кўрган ва мазкур ҳаракати орқали бошқа мамлакатларнинг космик миссияларини хавф остида қолдирган, дея воқеага муносабат билдирган АҚШ давлат департаменти.
Аввал Хитойнинг янги гипертовушли қуролни синов қилгани, май ойида АҚШ ҳарбий денгиз кучлари учувчисиз бошқариладиган самолётларга қарши лазер қуролини синовдан ўтказгани хабар қилинганди.
Изоҳ (0)