Гонконгдаги Жаҳон савдо маркази биносида ёнғин чиқди. Мазкур 38 қаватли бинода офислар, дўконлар, ресторанлар ва спорт маркази жойлашган, деб ёзади Meduza.
Маҳаллий матбуотнинг хабар беришича, бинода 350 дан ортиқ одам қамалиб қолган. Уларни эвакуация қилиш учун ўт ўчирувчилар сафарбар этилган.
Ҳалок бўлганлар ҳақида маълумот йўқ. Ёнғин оқибатида 7 киши ис газидан заҳарланган. 12 нафар жабрланувчи воқеа жойидан шифохоналарга етказилгани, уларнинг ёши 31 дан 72 гача экани ҳақида хабар берилган.
Савдо марказидаги ёнғин хавфлилик бўйича беш тоифадан учинчиси деб баҳоланмоқда.
Дастлабки маълумотларга кўра, ёнғин электротехника хонасидан бошланган ва бинонинг бир томонига ўрнатилган искала орқали тарқалган. Ёнғин сабаблари ўрганилмоқда.
«Риа Новости» хабарига кўра, савдо марказида қамалиб қолганлани эвакуация қилиш ишлари якунланди, касалхонага ётқизилганлар сони 14 кишига етди.
Изоҳ (0)