Ижтимоий тармоқларда «Термиз давлат университети физика-математика факультети ҳовлисида талабалар оммавий муштлаштгани айтилмоқда» сарлавҳаси остидаги видеолавҳа тарқалган. Видео юзасидан Термиз шаҳар ички ишлар бўлими масъул ходимлари томонидан ўрганиш ишлари олиб борилди.
Қайд этилишича, 2021 йилнинг 9 декабрь куни соат 12:49 да Термиз давлат университетининг Термиз шаҳар «Ўзбекистон» маҳалласида жойлашган Физика ва математика факультети биносининг кириш қисмида шу факультетнинг 3-курс талабаси А.Д. ва 1-курс талабаси Х.А. бир-бири билан туртиниб кетган.
Оқибатда улар ўртасида жанжал келиб чиққан ва ушбу талабаларни ажратиш учун иккала тарафдан ҳам бошқа талабалар келиб, жанжаллашаётган талабалар ажратилган.
Мазкур ҳолат юзасидан Термиз давлат университети маъмурияти томонидан ушбу талабаларга нисбатан қонуний чора кўриш учун Термиз шаҳар ИИБга хабар берилган.
Ҳозирда Термиз шаҳар ИИБ ҳуқуқбузарликлар профилактикаси бўлими масъул ходимлари томонидан терговга қадар текширув олиб бормоқда.
Изоҳ (0)