Фарғона шаҳрида Lacetti русумли хизмат машинасида қоида бузган ЙПХ ходимига чора кўрилди, деб хабар бермоқда «Дарё» мухбири.
Маълум қилинишича, ижтимоий тармоқларда «Фарғонада қоидабузар 01 572 VSC» сарлавҳали видеотасвир тарқалган. Видеотасвирда ЙҲХБга тегишли Lacetti русумли давлат рақами 01 572 VSC бўлган махсус хизмат автомашинаси тўхташ қоидаларига амал қилмагани акс этган.
Ушбу ҳолат Фарғона вилояти ИИБ ЙҲХБ томонидан ўрганилганда 2021 йилнинг 8–14 ноябрь кунлари вилоятда ўтказилган «Хавфсиз ҳудуд» кенг қамровли профилактик тадбирлари давомида Lacetti русумли давлат рақами 01 572 VSC бўлган махсус хизмат автомашинаси ҳайдовчиси Марғилон шаҳар Б.Марғилоний кўчасида йўл ҳаракати қоидаларининг 91-бандига амал қилмагани аниқланган.
Мазкур махсус хизмат автомобили бириктирилган ЙПХ инспекторига нисбатан тўхташ қоидаларини бузганлиги бўйича Маъмурий жавобгарлик тўғрисидаги кодекснинг 128-6-модда (транспорт воситалари ҳайдовчиларининг тўхташ ёки тўхтаб туриш қоидаларини бузиши)си тартибида баённома расмийлаштирилган бўлиб, у 540 минг сўм миқдорида жаримага тортилган.
Мавзуга доир:
- Тошкентда ЙПХ ходими қоида бузган ҳайдовчининг юзига ҳужжатларини отиб, кетиб қолгани айтилган видео юзасидан изоҳ берилди
- Каттақўрғонда солиқчининг ўлимида айбдор деб топилган ЙПХ инспекторлари озодликдан маҳрум қилинди
- Нукусда алкотестер ўрнига бош кийимидан фойдаланган ЙПХ ходимига хизмат текшируви тайинланди
Изоҳ (0)