Экран ва мухлислар қаршисида мукаммал кўринишга эга бўламан, деб пошнали пойабзал кийишни канда қилмаган машҳурларнинг бу қарори қандай оқибатларга олиб келгани ҳақида «Домашний очаг» нашри маълумот бериб ўтади.
Наоми Кэмпбелл
Моделнинг 1993 йил Vivienne Westwood намойиши давомида йиқилгани мода тарихида қолган. Бунга 25 сантиметр баландликдаги туфли сабаб бўлган. Мазкур пойабзал бугунги кунда Лондондаги Виктория ва Альберт музейида сақланади. Йиқилганида оёғини жиддий қайириб олган Наомига ушбу намойишдан суяк касаллиги — тизза остеоартрити эсдалик бўлиб қолган.
Женнифер Энистон
Брэд Питт билан айрилганини ҳазм қила олмаган актриса аламини овқатдан олган ва натижада семириб кетган. Ўзини қўлга олганидан кейин эса озишга қарор қилган. Назоратсиз машғулотлар оқибатида эса оёқлари билан боғлиқ жиддий муаммо — пайлар яллиғланишини орттириб олган.
Виктория Бекҳэм
Виктория бошқалардан ҳамиша пошнали оёқ кийимларга бўлган севгиси билан ажралиб турган ва ҳатто 4 нафар фарзанди билан сайр вақти ҳам баланд туфли кийишни канда қилмаган. Бундан 5 йил аввал дизайнернинг мухлислари кумирларининг оёғи очиқ пойабзалда хунук кўринганига эътибор қаратган. Қийшайган бармоқлар ва шишлар яққол кўзга ташланган. Буни пайқаган Виктория жарроҳга мурожаат қилишга мажбур бўлган.
Кейт Мосс
Модель ёшлигида баланд пошнали пойабзал билан кун давомида тик юриши мумкин бўлганини таъкидлаган. «Баъзан пошналар тўғри менинг оёғимдан ўсиб чиққандек туюларди», — деган у. Аммо тинимсиз баланд оёқ кийимда юриш моделнинг оёқларига салбий таъсир қилган.
Ольга Бузова
Ольга ҳамиша расмларга қаддини тик тутиб, қорнини тортиб тушишга ҳаракат қилади. Аммо кадрда оёғидаги баланд пошна кийиш оқибатида пайдо бўлган камчиликлар доимо сезилиб туради.
Изоҳ (0)