Фото: Янги йил байрами олдидан имижини тубдан ўзгартирган машҳур аёллар

Янги йилдан бир неча ҳафта олдин машҳурларнинг айримлари бирданига ўз имижига ўзгаришлар киритишга қарор қилди.

Янги йил, албатта, янги соч турмаги билан. Кўринишидан, ушбу коллекциянинг қаҳрамонлари бу қоидага амал қилган. Байрамдан олдин улар стилистга мурожаат қилди ва ташқи кўринишини қайта кўриб чиқиш учун вақт ажратди. Баъзи машҳурлар кескин ўзгаришлар қилишга қарор қилди, бошқалари эса сочининг янги ранги билан чекланди.

Женнифер Лопес

Женнифер Лопес сочлари устида ёрқин тажрибалар ўтказишни яхши кўради. Натижада у бу сафар пушти рангни танлади. Жей Лонинг янги йил учун имижини ўзгартириши мухлисларнинг турлича муносабатига сабаб бўлди. Баъзилар ҳатто хонанданинг бундай рангга ёши мос эмаслигини таъкидлаб ўтди. Аммо унга ҳамма нарса ярашади.

Билли Айлиш

Билли Айлиш ҳам қиш фаслида имижини ўзгартиришга қарор қилди. 2021 йил баҳорда «Гремми»ни қўлга киритган хонанда сочларини сариқдан жигаррангга бўяди. Афсуски, Билли уларнинг узунлигини ҳам қисқартирди: энди у трендга 2000 йилларда машҳур бўлган «шапка» деб номланган соч турмагини киритмоқда.

Жижи Хадид

Зейн Малик билан бўлган катта жанжалдан сўнг Жижи Хадид ҳам ўз имижини тубдан ўзгартиришга қарор қилди. Модель ўз ҳаётидаги ушбу саҳифани жасорат билан очди. Жижи узун ва малларанг сочидан ажойиб турмак ҳосил қилди. У чёлка орқали ташқи кўринишини кескин ўзгартирди.

Олга Серябкина

2021 йилнинг ноябрь ойи охирида ўғли туғилгандан сўнг Олга Серябкина ўз имижини ўзгартиришга қарор қилди. У янги қиёфада «Гуччи уйи» фильмининг премьерасида қатнашишга муваффақ бўлди. Олга образини чёлка билан бойитди. Яқинда она бўлган Олгага янги қиёфаси жуда ярашган.

Мирослава Карпович

Мирослава Карпович имижининг кутилмаган ўзгаришидан ҳамма ҳайратда қолди. Мирославанинг сочлари узоқ вақт давомида сарғиш ва қисқа турмакда эди, лекин байрам олдидан у ҳам ўзгаришни хоҳлади. Мухлислар Карповичнинг янги қиёфаси узун сочлари билан янада гўзаллашганини айтиб ўтди.