Бугун,

  • USD 11014.01
  • RUB 191.8
  • EUR 10674.78

Дунё ва ўзбек спортига оид 10 декабрнинг энг муҳим хабарлари дайжести билан танишинг.

Ўзбекистон

Достон Ёқубов — Жаҳон чемпиони

Фото: Туризм ва спорт вазирлиги

Фото: Туризм ва спорт вазирлиги

Тошкентда оғир атлетика бўйича катталар ўртасидаги Жаҳон чемпионати давом этмоқда. 10 декабрь кунги баҳсларда -67 кг вазн тоифасида Ўзбекистон шарафини ҳимоя қилган Достон Ёқубов икки кураш натижасига кўра 324 кг (144+180) тошни бўйсундириб, биринчи ўринни қўлга киритди.

Достон даст кўтаришда иккинчи натижани қайд этган бўлса, силтаб кўтариш ва икки курашда барча рақибларини ортда қолдирди. Шу тариқа у бир йўла учта медалга эга чиқди.

Ўзбекистонлик ҳакамлар Саудия Арабистони лигаси ўйинларини бошқариб боради

Фото: «Пахтакор» матбуот хизмати

Фото: «Пахтакор» матбуот хизмати

Саудия Арабистони чемпионатининг навбатдаги турида бир қатор ўзбекистонлик ҳакамлар фаолият юритади. Бу ҳақида ЎФА матбуот хизмати маълум қилди. Тур доирасидаги «Ал-Ҳилол» — «Ал-Фейҳа» учрашувида Илгиз Танташев бош ҳакам вазифасини бажаради, унга қанотларда Андрей Сапенко ва Тимур Гайнулин ёрдам беради. Аҳрол Рисқуллаев эса VAR ҳаками сифатида ишлайди.

Шунингдек, «Ал-Таи» — «Ан-Насср» учрашувида VAR ҳаками сифатида Аскер Нажафалиев фаолият олиб боради.

Маълумот учун, ўзбекистонлик ҳакамлар Саудия Арабистонига VAR семинарида қатнашиш учун йўл олган.

Суперлиганинг ноябрь ойидаги энг яхшилари аниқланди

«Насаф» ҳужумчиси Ҳусайн Норчаев ойнинг энг яхши ўйинчиси деб эътироф этилди. Норчаев ўтган ойдаги 4 та ўйинда учта гол урганди.

Энг яхши мураббий номига «Бунёдкор» билан учта ўйинда учта ғалаба қайд этган Шуҳрат Мақсудов лойиқ кўрилди. «Андижон» футболчиси Муҳаммадкарим Тоировнинг «ОКМК» дарвозасига киритган тўпи ойнинг энг чиройли голи деб топилди.

Жаҳон

Еврокубокларда 6-турнинг энг яхшилари аниқланди

 

Фото: Getty Images

Фото: Getty Images

Чемпионлар Лигасида ҳафтанинг энг яхши ўйинчиси сифатида Килиан Мбаппе танланди. «ПСЖ» форварди «Брюгге»га қарши баҳсда (4:1) дубль ва голли узатма муаллифига айланганди.

«Наполи» ярим ҳимоячиси Элиф Элмаз Европа Лигасида ҳафта қаҳрамони бўлди. Футболчи «Лестер»га қарши ўйинда (3:2) иккита гол урганди. «Базел» вакили Артур Кабрал эса Конференциялар Лигасида турнинг энг яхши ўйинчиси деб топилди. Кабрал «Қорабоғ»га қарши учрашувда (3:0) дубль муаллифи бўлганди.

Чемпионлар Лигасида ҳафта рамзий терма жамоаси

Дарвозабон: Одиссеас Влаҳодимос («Бенфика»);

Ҳимоячилар: Альфонсо Дэвис («Бавария»), Нико Шульц («Боруссия Д»), Жилберто («Бенфика»);

Ярим ҳимоячилар: Маҳмуд Доуд, Марко Ройс (иккиси – «Боруссия Д»), Лерой Сане («Бавария»), Арно Данжума («Вильярреал»);

Ҳужумчилар: Тимо Вернер («Челси»), Килиан Мбаппе, Лионель Месси (иккиси – «ПСЖ»).

Фото: УЕФА

Фото: УЕФА

Премьер Лигада ноябрь ойининг энг яхшилари эълон қилинди

Фото: Getty Images

Фото: Getty Images

«Манчестер Сити» устози Хосеп Гвардиола ноябрь ойининг энг яхши мураббийи номига

🥇🥇🥇🥇🥇🥇🥇🥇🥇🥇

Pep Guardiola has been named
@BarclaysFooty Manager of the Month for the 10th time#PLAwards | @PepTeam pic.twitter.com/UmaPsFRrcY

— Premier League (@premierleague) December 10, 2021

Энг яхши ўйинчи сифатида «Ливерпуль» ҳимоячиси Трент Александер-Арнольд эътироф этилди. Трент ноябрдаги учта учрашувда битта гол урди ва тўртта голли узатма амалга оширди.

«Барселона»нинг яна бир етакчиси сафдан чиқди

Фото: Getty Images

Фото: Getty Images

Каталонлар ҳужумчиси Мемфис Депай «Бавария»га қарши ўйинда мушак жароҳатини орттириб олганди. АС хабарига кўра, нидерландиялик футболчи камида бир ойга сафдан чиққан.

Шу тариқа «Барселона» биргина ҳужумчи қолмоқда — Люк де Йонг. Депайдан ташқари Мартин Брэйтуэйт ва Ансу Фати жароҳат туфайли, Серхио Агуэро эса юрагидаги муаммо сабаб лазаретда бўлиб турибди.

Diario Sport’нинг хабар қилишича, Ансу Фати ўзини яхши ҳис қилмоқда. Бироқ «Барса» таваккал қилмоқчи эмас ва 19 ёшли футболчининг қайтишини 2 январь санасига қолдирган. Шу тариқа, Фати каталонларнинг тўртта ўйинини ўтказиб юборади.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!

Изоҳ
Асосий янгиликлар