Қашқадарё вилояти Китоб туманининг биринчи ҳокими (1991–1993) Абдураҳмон Ашуров вафот этди. Бу ҳақда марҳум шу кунгача фаолият юритган «Алском» суғурта компанияси «Дарё»га хабар қилди.
Абдураҳмон Ашуров 1949 йил Китоб туманида туғилган. 1972 йилда Тошкент политехника университетини тамомлаган. 1991–1993 йилларда Китоб тумани биринчи ҳокими, 1993–1998 йилларда Қашқадарё вилояти ҳокимлиги савдо-саноат ва ижтимоий ривожланиш бўлими мудири бўлиб ишлаган.
2008 йилдан ҳозиргача «Алском» суғурта компаниясининг Қашқадарё бўлими раҳбари сифатида фаолият юритиб келаётган эди.
Изоҳ (0)