КХДРнинг баллистик ракеталар ва бошқа қуролларни ишлаб чиқариш дастурлари минтақадаги вазиятни янада беқарорлаштиради. Бу ҳақда АҚШ мудофаа вазири Ллойд Остин Сеулда Жанубий кореялик ҳамкасби Со Ук билан ўтказилган қўшма матбуот анжуманида маълум қилди, деб хабар беради «ТАСС».
Пентагон раҳбарининг таъкидлашича, АҚШ ва Жанубий Корея «КХДР минтақавий хавфсизликни тобора беқарорлаштирувчи баллистик ракеталар ва қуролларни ишлаб чиқишни давом этаётгани борасидаги қўшма баҳосини яна бир бор тасдиқлаган».
Остиннинг Қўшма Штатлар Корея яриморолининг тўлиқ ядросизланишига эришишнинг энг яхши йўли КХДРга нисбатан дипломатик ёндашув деб ҳисоблашини яна бир бор эслатиб ўтган. «Биз Корея яриморолининг тўлиқ денуклеаризациясига интилмоқдамиз. Ва биз ушбу мақсадга эришишнинг энг яхши йўли сифатида КХДР билан дипломатик алоқалар учун синалган ва амалий ёндашув дея ҳисоблаймиз», — дейди у. Пентагон раҳбари Америка томони ушбу масалада Жанубий Корея билан консультацияни давом эттиришини маълум қилган.
Унинг қўшимча қилишича, Вашингтон ва Сеул «КХДРга нисбатан дипломатик ёндашувга содиқ қолади». «Биз КХДРни диалогга чақиришни давом этамиз», — дейди Остин.
Пентагон раҳбаари ўзининг Суэлга ташрифини «жуда самарали» деб атаган. Унинг сўзларига кўра, АҚШ ва Жанубий Корея «минтақавий хавфсизлик соҳасидаги ҳамкорликни кенгайтириш ва мустаҳкамлаш йўлларини ўрганиш ва ҳарбий салоҳиятни оширишга келишиб олган».
Аввалроқ Жанубий Корея Ким Чен Иннинг Кореялараро уруш тугагани ҳақидаги декларацияни тилга олишини юқори баҳолагани, АҚШ КХДРга нисбатан душманлик нияти йўқлигини маълум қилгани, Шимолий Корея сувости кемаси учун мўлжалланган баллистик ракетани синаган бўлиши мумкинлиги ҳақида хабар берилганди.
Изоҳ (0)