Футбол бўйича Англия Премьер Лигасининг 14-туридан ўрин олган бир қатор учрашувлар 1 декабрь, чоршанба куни бўлиб ўтди.
«Уотфорд»—«Челси» учрашувида лондонликлар кичик ҳисобда ғалаба қозонди. Мезбонларнинг ягона голига Эммануэль Деннис муаллифлик қилган бўлса, «аристократлар» сафида Мэйсон Маунт ва Ҳаким Зиёш ўз ҳисобига гол ёздириб қўйди.
Мазкур ғалабадан кейин Томас Тухель шогирдлари очколари сонини 33 тага етказди ва 1-ўринни сақлаб қолди.
«Манчестер Сити» Стивен Жеррард бошчилик қилаётган «Астон Вилла»ни мағлуб этди. «Шаҳарликлар» сафида Рубен Диаш ва Бернарду Сильва гол урган бўлса, «Астон Вилла»нинг жавоб голига Олле Уоткинс муаллифлик қилди.
Манчестер жамоаси 32 очко билан чемпионатда 2-ўринда бормоқда. Пеп Гвардиола шогирдларини мусобақа етакчисидан атиги 1 очко ажратиб турибди.
Юрген Клопп қўл остидаги «Ливерпуль» Мерсисайд дербисида «Эвертон» устидан йирик ғалабани қўлга киритди. Мерсисайдликлар сафида Муҳаммад Салоҳ дубль қайд этган бўлса, Жордан Ҳендерсон ва Диогу Жота ўз ҳисобига биттадан гол ёздириб қўйди.
Ғалабадан сўнг «Ливерпуль» 31 очко билан мусобақа жадвалида 3-ўринни эгаллаб турибди.
АПЛ
14-тур баҳслари
1 декабрь, чоршанба
«Уотфорд» — «Челси» 1:2
Голлар: 0:1 – 29 Маунт, 1:1 – 43 Деннис, 1:2 – 72 Зиёш.«Уотфорд»: Баҳманн, Фемения, Кэткарт, Трост-Эконг, Мазина (Роуз, 12), Сиссоко, Клеверли (Нгакиа, 85), Луза (Куска, 73), Деннис, Кинг, Жоао Педро.
«Челси»: Менди, Аспиликуэта (Лукаку, 69), Рюдигер, Кристенсен, Чалоба (Зиэш, 60), Алонсо, Сауль (Тяго Сильва, 46), Лофтус-Чик, Пулишич, Маунт, Ҳаверц.
Огоҳлантиришлар: Сауль (16), Луза (45), Алонсо (45), Трост-Эконг (45), Зиёш (65), Клеверли (84), Роуз (84).
«Астон Вилла» — «Манчестер Сити» 1:2
Голлар: 0:1 – 27 Рубен Диаш, 0:2 – 43 Бернарду Сильва, 1:2 – 47 Уоткинс.«Астон Вилла»: Мартинес, Мингз, Конса, Таргетт (Чуквуэмека, 67), Макгинн, Накамба (Сансон, 77), Дуглас Луис, Кеш, Буэндиа, Уоткинс, Бэйли (Янг, 31).
«Манчестер Сити»: Эдерсон, Жоау Канселу, Аке, Рубен Диаш, Зинченко, Фернандиньо, Бернарду Сильва, Родри, Стерлинг, Маҳрез, Габриэль Жезус (Грилиш, 87).
«Эвертон» — «Ливерпуль» 1:4
Голлар: 0:1 – 9 Ҳендерсон, 0:2 – 19 Салоҳ, 1:2 – 38 Грэй, 1:3 – 64 Салоҳ, 1:4 – 79 Диогу Жота.«Эвертон»: Пикфорд, Коулмен, Годфри, Кин, Дин, Таунсенд (Делф, 73), Грэй (Тосун, 85), Аллан, Дукуре, Рондон (Гордон, 59), Ришарлисон.
«Ливерпуль»: Алиссон, Александер-Арнольд, Матип, ван Дейк, Робертсон, Ҳендерсон (Окслейд-Чемберлен, 83), Алькантара (Милнер, 75), Фабиньо, Салоҳ, Мане, Диогу Жота (Минамино, 88).
Огоҳлантиришлар: Таунсенд (16), Аллан (31), Тяго Алькантара (39), Дин (40), Грэй (44), Робертсон (63), ван Дейк (80).
Изоҳ (0)