«Метротелеком»да техник узилишлар туфайли Тошкент метрополитенининг айрим бекатларида АТТО ва Humo тўлов карталари ишламаяпти. Бу ҳақда метрополитен матбуот хизмати хабар берди.
Шунингдек, метрополитен ушбу носозлик туфайли метро йўловчиларидан узр сўраган.
АТТО компаниясининг маълум қилишича, АТТО компаниясининг маълум қилишича, метрода интернет ишлашини таъминлайдиган ягона провайдер Independent Телеcом интернети ишламай қолган ва ҳозирда тегишли идоралар билан биргаликда юзага келган носозликни бартараф этиш чоралари кўрилмоқда. «Яқин вақтда тизим қайта тикланади», — дея қайд этади компания.
«Ҳамид Олимжон» метро бекати бошлиғи Нозима Каримованинг «Дарё» мухбирига айтишича, носозлик 15—20 дақиқа давом этган, ҳозиргаи вақтда тўловларни қилишда муаммо йўқ.
«Тахминан соат 08:00 да тўлов карталари орқали носозликлар кузатила бошлади. Бекатда Wi-Fi орқали тўловлар аппарати (валидатор) мавжуд. Биз шу орқали йўловчилардан тўловларни қабул қилиб олдик. Техниклар узилишлар интернетдаги носозлик туфайли бўлганини айтишди», — дейди бекат бошлиғи.
Ўз навбатида АТТО компанияси ҳам Тошкент метросида автоматлаштирилган йўл ҳақи тизими фаолияти қайта тикланганини маълум қилди. «Интернет хизмати қайта тикланди ва хизмат мунтазам равишда ишламоқда. Ҳозирги вақтда АТТО транспорт картаси ёки Humo картаси билан барча метро бекатларида тўлов амалга оширишингиз мумкин», — дейилади хабарда.
Эслатиб ўтамиз, Тошкент шаҳар жамоат транспорти — автобус ва метрополитен йўналишларида автоматлаштирилган тўлов тизимини жорий этиш ишлари 2021 йил 1-янвадан бошланган. АТТО оператори томонидан тақдим этилган имтиёзли (талаба, ижтимоий, ўқувчи) транспорт карталари эса 2021 йил 1 январдан бошлаб амалга киритилди.
Изоҳ (0)