Бугун,

  • USD 10940.05
  • RUB 182.26
  • EUR 11121.65

Англия Премьер Лигасининг 13-туридан ўрин олган бир қатор ўйинлар 27 ноябрь, шанба куни бўлиб ўтди.

«Арсенал» Лондонда «Ньюкасл»ни меҳмон қилди. Учрашувнинг 56-дақиқасида Букайо Сака ҳисобни очган бўлса, 66-дақиқада Габриэль Мартинелли «канонирлар»нинг иккинчи голи муаллифига айланди. Шу тариқа Микель Артета жамоаси 2:0 ҳисобида ғалаба қозонди.

Ушбу ғалабадан сўнг «Арсенал» очколари сонини 23 тага етказди ва 5-ўринда бормоқда. «Ньюкасл» 6 очко билан сўнгги поғонадан жой олган.

Фото: Getty Images

Фото: Getty Images

«Ливерпуль» ва «Саутҳэмптон» ўртасидаги баҳснинг 2-дақиқасида Диогу Жота ҳисобни очди. 32-дақиқада Жота дублни расмийлаштирди. 37-дақиқада эса Тяго Алькантара ҳисобни йириклаштирди.

Иккинчи бўлимда ҳам мезбонлар ҳужумкор ўйин намойиш этди. 52-дақиқада Виржил ван Дейк «Ливерпуль»нинг 4-голи муаллифига айланди. Шу тариқа мерсисайдликлар ўзининг навбатдаги ғалабасини қўлга киритди.

Ғалабадан сўнг «Ливерпуль»нинг очколари сони 28 тага етказди, жамоа 2-ўринга кўтарилиб олди. «Саутҳэмптон» эса 14 очко билан 13-поғонада жойлашган.

АПЛ

13-тур баҳслари

27 ноябрь, шанба

«Арсенал» – «Ньюкасл» 2:0

Голлар: 1:0 – 56 Сака, 2:0 – 66 Мартинелли.

«Арсенал»: Рэмсдейл, Томиясу, Габриэль, Уайт, Нуну Тавареш, Сака (Мартинелли, 64), Смит-Роу, Парти (эн-Ненни, 85), Эдегор, Локонга, Обамеянг (Ляказетт, 76).

«Ньюкасл»: Дубравка, Крафт, Шер, Ласселс, Фрэйзер, Ритчи (Альмирон, 67), Сен-Максимен, Шелви (Ҳейден, 89), Уиллок, Уилсон, Жоэлинтон (Мерфи, 67).

Огоҳлантиришлар: Ритчи (44), Крафт (48), Ласселс (63), Обамеянг (76).

«Ливерпуль» – «Саутҳэмптон» 4:0

Голлар: 1:0 – 2 Диогу Жота, 2:0 – 32 Диогу Жота, 3:0 – 37 Тиаго Алькантара, 4:0 – 52 ван Дейк.

«Ливерпуль»: Алиссон, Александер-Арнольд, ван Дейк, Konaте, Робертсон, Ҳендерсон (Милнер, 67), Тиаго Алькантара (Окслейд-Чемберлен, 59), Фабиньо, Салоҳ, Мане, Диогу Жота (Минамино, 81).

«Саутҳэмптон»: Маккарти, Ливраменто, Беднарек (Редмонд, 46), Войнович, Салису, Перро (Уокер-Питерс, 88), Ромеу, Уорд-Проуз, Армстронг, Адамс (Телла, 46), Броя.

Огоҳлантириш: Беднарек (11).

«Кристал Пэлас» – «Астон Вилла» 0:2

Голлар: 0:1 – 15 Таргетт, 0:2 – 86 Макгинн

«Норвич» – «Вулверҳэмптон» 0:0

Изоҳ
Асосий янгиликлар