Lukoil томонидан Ўзбекистонда 2004 йилдан буён амалга оширилаётган лойиҳалар натижасида қазиб олинган табиий газ ҳажми 100 миллиард кубометрга етди.
Мазкур кўрсаткич Lukoil Uzbekistan Operating Company МЧЖ томонидан қўлга киритилган ютуқлар орасида шуниси билан аҳамиятлики, унга ОАЖ Lukoil’нинг (Россия) 30 йиллик юбилейи арафасида эришилди.
Lukoil Ўзбекистон маҳсулот тақсимлаш тўғрисидаги иккита битим (МТТБ) доирасидаги лойиҳаларни амалга оширади, шу жумладан, «Қандим» конлар гуруҳи таркибидаги «Хаузак» ва «Шоди» конлари, шунингдек, уни ўзлаштириш учун салмоқли молиявий харажатлар талаб қилинадиган Жануби-Шарқий Ҳисор ҳудудларидаги конларда иш олиб борилди. Бугунги кунга келиб, лойиҳаларни амалга ошириш учун Lukoil томонидан киритилган инвестиция суммаси 8 миллиард доллар атрофини ташкил қилади. Компания Ўзбекистон Республикасидаги энг йирик хорижий инвестор ҳисобланади.
Lukoil’га МТТБда кўзда тутилган муддатга берилган конлар аслида Совет даврида аниқланган бўлиб, шароитларнинг мураккаблиги ва йирик молиявий харажатлар талаб этилиши сабабли ўзлаштирилмаган эди.
2004 йилнинг ноябрь ойида Ўзбекистон ҳукумати томонидан МТТБ имзоланиши Ўзбекистон Республикаси ва Россиянинг Lukoil нефть-газ компанияси ўртасидаги ўзаро манфаатли ҳамкорликка асос солди.
Қазиб олинган табиий бойликларнинг асосий қисми (70 фоиздан юқори) Бухоро вилоятининг «Қандим—Хаузак—Шоди» конларига тўғри келади.
Ушбу конлар 1967 йилда аниқланган бўлишига қарамай, олтингугурт миқдори юқори бўлган газни қазиб олиш ва тозалаш учун маблағ етишмаслиги ҳамда ишлаб чиқариш жараёнининг мураккаблиги сабабли консервация қилинган эди. Lukoil’нинг республикага кириб келиши туфайли «Хаузак—Шоди» конлари ўзлаштирилди ва 2008 йилда унинг лойиҳавий қуввати йилига 4 миллиард куб метр газ қазиб чиқариш даражасига етди.
2017 йилда Қандим газни қайта ишлаш комплекси фойдаланишга топширилди ва объект 2019 йилда лойиҳавий қуввати йилига 8,1 миллиард куб метр «зангори олов» етказиб бериш даражасига етди.
Жануби-Ғарбий Ҳисор ҳудудлари ва Ўзбекистон Республикасининг Устюрт минтақаси конлари бўйича маҳсулот тақсимлаш тўғрисидаги битим 2007 йилнинг апрелида кучга кирди.
«Жануби-Ғарбий Ҳисор» лойиҳасига Lukoil 2008 йилнинг март ойида киришди, 2009 йилнинг апрелида эса Lukoil Uzbekistan Operating Company компанияси Қашқадарё вилоятидаги Ҳисор конлар гуруҳини ўзлаштира бошлади.
Газ қазиб олишга 2011 йилнинг декабрида киришилди. «Гумбулоқ» ва «Одамтош» конларидаги асосий ишлаб чиқариш ва технологик объектлар 2017 йилда ишга туширилди — «Одамтош»да газни дастлабки тайёрлаш ускунаси (ГДТУ) ишга туширилди, шунингдек, йилига 1,8 миллиард куб метр лойиҳавий қувватга эга бўлган сиқув-компрессор станцияси (СКС) қурилиши якунланди. 2018 йилга келиб, газ қазиб олиш ҳажми лойиҳада кўзда тутилган даражага, яъни йилига 5 миллиард куб метрга етказилди.
Бугунги кун келиб, Lukoil’нинг Ўзбекистон Республикасидаги барча лойиҳалари бўйича тўпланган табиий газ миқдори 100 миллиард куб метрга етди.
Шуни таъкидлаб ўтиш керакки, ўз фаолиятини Ўзбекистон Республикасида олиб бораётган Lukoil Uzbekistan Operating Company МЧЖ қудуқларни қазиб олиш, ўрнатиш ва жиҳозлаш, таббий газни тозалаш, қайта ишлаш ва маҳсулот кўринишига келтириш билан шуғулланадиган лойиҳалар оператори ҳисобланади.
Табиий газни қазиб чиқариш, тозалаш ва «зангори ёқилғи» даражасида қайта ишлаш қиммат турувчи юқори технологик ва мураккаб жараён ҳисобланади. Lukoil объектларида амалга ошириладиган газни комплекс тайёрлаш ва қайта ишлаш сифатнинг юқори стандартлари асосида олиб борилади, якуний маҳсулот эса ички ва халқаро бозорларда талабгирдир. 100 миллиард куб метр газ қазиб чиқариш — мамлакатимизнинг хорижий инвестор билан узоқ муддатли ўзаро манфаатли ҳамкорлигини ифодаловчи муҳим кўрсаткичдир.
Ўзбекистон Республикасининг Lukoil томонидан қазиб чиқарилган табиий газнинг халқаро бозорлардаги сотувидан олган умумий даромади 4 миллиард доллардан зиёдни ташкил этади.
Реклама ҳуқуқи асосида.
Изоҳ (0)