Бугун,

  • USD 11095.31
  • RUB 173.84
  • EUR 10772.44

Санкт-Петербург давлат тоғ-кон университети ректори Владимир Литвиненко «Солнечноэ» посёлкасидаги беш юлдузли меҳмонхонанинг ягона эгасига айланди. Бу ҳақда «Контур.Фокус» базаси — Россия ва хориж контрагентларини текширишга мўлжалланган сервис маълумотларига таяниб, Meduza хабар берди.

Путин ва Литвиненко

Путин ва Литвиненко
Фото: «Ведомости»

Маълумотлар базасига кўра, Литвиненкога «Гармония» МЧЖ тегишли. «‘Гармония’ халқаро академик маркази» МЧЖ меҳмонхонаси «Ростуризм»нинг Туристик объектлар федерал рўйхатига киритилган.

Шаҳар типидаги ушбу меҳмонхона беш юлдузли мақомга 2018 йилда эга бўлган. «Ростуризм» базасида объектга берилган изоҳга кўра, меҳмонхонада 72 та хона мавжуд бўлиб, уларнинг бири сют (люкс), 52 таси биринчи тоифали хоналар.

Telegram’даги «ЧТД» каналининг ёзишича, меҳмонхонанинг сайти йўқ, «Ростуризм» сайтида кўрсатилган телефон рақамига эса ҳеч ким жавоб бермайди. Шу билан бирга ташкилотда 19 киши ишлайди, меҳмонхона балансида 1 миллиард рублдан (13,8 миллион доллар) ортиқ маблағ мавжуд.

Владимир Литвиненко 1990 йиллар охирида Россиянинг бўлажак президенти Владимир Путин номзодлик диссертациясини ёқлаган илмий кенгашни бошқарган. 2000, 2004 ва 2012 йилларда Литвиненко Путиннинг Санкт-Петербургдаги сайловолди штаби бўлинмасини бошқарган.

2021 йилда Forbes’нинг Россиядаги версияси Литвиненконининг бойлигини 1,5 миллиард долларга баҳолаб, уни долларли миллиардерларнинг ҳар йилги рейтингига киритган. Путиннинг илмий раҳбари энг бадавлат россияликлар рўйхатига 20,98 фоиз пакетига эгалик қиладиган «ФосАгро» акцияларининг ўсиши ҳисобига киришга муваффақ бўлган.

Изоҳ
Asosiy yangiliklar
Дунё
Украина 2 та аэродромга дронлар билан зарба беришга уринди — Россия Мудофаа вазирлиги
Маҳаллий
Ўзбекистонда ноябрь ойида қанча чақалоқ туғилгани маълум бўлди
Маҳаллий
«Меҳнати кўп бўлса-да, маоши кам, олган пули ҳалол бўлсин». Жамоатчилик электр монтёрларни олқишламоқда