Ўзбекистон президентининг тегишли фармони билан Зоир Мирзаев бошқа ишга ўтиши муносабати билан Қашқадарё вилояти ҳокими лавозимидан озод этилди. Бу ҳақда давлат раҳбарининг матбуот котиби Шерзод Асадов маълум қилди.
Фото: «Дарё» / Мадина Нурман
Зоир Мирзаев 2019 йилнинг октябридан буён Қашқадарё вилоят ҳокими сифатида ишлаб келаётганди. Унга қадар Мирзаев бош вазир ўринбосари ҳамда Қишлоқ ва сув хўжалиги вазири лавозимларида фаолият юритиб келган. 2018 йил октябрида «Оққўрғон воқеаси» сабаб ишдан олиниб, Шароф Рашидов туманига ҳоким этиб тайинланганди.
Шунингдек, президент фармони билан Муроджон Азимов Қашқадарё вилояти ҳокими вазифасини бажарувчи этиб тайинланган.
Муроджон Азимов
Фото: «Дарё» / Мадина Нурман
Генерал майор Муроджон Азимов 2018 йилнинг февралидан буён Давлат божхона қўмитаси раиси лавозимида ишлаб келаётган эди. Бунгача Муроджон Азимов Ўзбекистон бош прокурорининг биринчи ўринбосари лавозимида ишлаб келаётганди. У бу лавозимга 2016 йил июлида тайинланганди.
Аввалроқ Ўзбекистон президентининг тегишли фармони билан Қобул Турсунов Навоий вилояти ҳокими лавозимидан озод этилгани ва унинг ўрнига Тошкент шаҳар давлат солиқ бошқармаси бошлиғи сифатида фаолият юритиб келган Нормат Турсунов тайинлангани тўғрисида хабар берилганди.
