Наманган вилоятидаги туманлардан бирининг давлат солиқ инспекцияси бошлиғи пора билан ушланди. Бу ҳақда Давлат хавфсизлик хизмати хабар берди.
Наманган вилоятидаги туманлардан бирининг давлат солиқ инспекцияси бошлиғи ўзининг ҳайдовчиси номида бўлган сабзавотчиликка ихтисослашган фермер хўжаликнинг 1 гектар ер майдонини бошқа бир фуқаро номига расмийлаштириб бериш эвазига 15 минг доллар талаб қилган.
ДХХнинг Наманган вилояти бўйича бошқармаси, вилоят прокуратураси ва иқтисодий жиноятларга қарши курашиш департаментининг ҳудудий бошқармаси ходимлари томонидан ўтказилган тезкор тадбирда, у сўралган пулни хизмат хонасида олган вақтида ашёвий далиллар билан ушланган.
Ҳозирда мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.
Эслатиб ўтамиз, май ойида Тошкентнинг Юнусобод тумани давлат солиқ инспекцияси катта инспектори 3,5 минг доллар пора билан ушланганди.
Мавзуга доир:
- Тошкентда ерни ноқонуний олиб бермоқчи бўлган хонанда ДХХ томонидан қўлга олинди
- ДХХ Қибрайда 460 гектар ер учун 3,7 млн доллар сўраган шахсни ушлади
- Андижонда 1 гектар ер учун ҳоким қарорини чиқариб, кадастр ҳужжатини расмийлаштириб бериш эвазига 50 минг доллар сўраган мансабдор қўлга олинди
- Фарғонада 50 сотих ерни 25 минг долларга ноқонуний сотмоқчи бўлган МЧЖ бошлиғи ушланди
Изоҳ (0)